Shoqata “Medvegja” shpërndau pako ushqimore për familjet e prekura nga vërshimet në Podujevë

Kryetari i komunës së Podujevës, Shpejtim Bulliqi, bashkë me nënkryetaren e komunës, Marigona Lahu, pritën në takim përfaqësuesit e shoqatës bamirëse “Medvegja”, ku diskutuan për bashkëpunimin në lidhje më shpërndarjen e 20 pakove ushqimore për familjet në nevojë të cilët janë prekur nga vërshimet gjatë javëve të fundit, thuhet në njoftimin e zyrës për informim, transmeton PodujevaPRESS.net

Përzgjedhja e familjeve përfituese të pakove ushqimore është bërë nga lista e evidentuar e familjeve të prekura nga vërshimet, të cilët nuk kanë gjendje të mirë ekonomike.

Kryetari Bulliqi në emër të Komunës së Podujevës falënderoi shoqatën “Medvegja” të cilët me vullnetin e mirë kontribuan që të ndihmojnë familjet e dëmtuara.