Shaip Muja, Raif Qela dhe Labinotë Demi janë ftuar në Ambasadën Amerikane

Tre deputetët kundërshtues të demarkacionit brenda Grupit Parlamentar të PDK-së janë thirrur sot në Ambasadën Amerikane në Prishtinës.

Në ambasadën amerikane sot ishin deputetët Shaip Muja, Raif Qela dhe Labinotë Demi-Mutezi.

Këta të tre në disa raste hapur janë deklaruar kundër ratifikimit të marrëveshjes së demarkacionit me Malin e Zi.

Ky takim tregon edhe një herë përkushtimin e SHBA-ve që Kosova sa më shpejt të merr liberalizimin e vizave duke ratifikuar marrëveshjen e demarkacionit si kushtin themelor.

Të kujtojmë se sot në mesditë, ambasadori amerikan, Greg Delawie ka takuar të gjithë deputetët e LDK-së bashkë me kryeministrin Isa Mustafa.

Demarkacioni pritet të hyjë në votim nëse nesër dështon mocionit i votëbesimit për qeverinë i iniciuar nga Nisma për Kosovën. /Lajmi.net/