Instrumentale shumë e bukur me titullin “Homazh”, në kujtim të atyre që
Senatorët Ernst dhe Peters shpjegojnë pse e ringjallën Kaususin për Shqiptarët në Senatin e SHBA!
Vjen edhe shpjegimi pse erdhi deri tek ringjallja e Kaususit për shqiptarët në Senatin e Shteteve të Bashkuara të Amerikës.
Kaususi në Kongresin e Amerikës kishte luajtur rol të rëndësishëm në kohën e luftës së Kosovës dhe për vite të tëra deri më 2008 kur Kosova shpalli pavarësinë ku Kongresi dhe Senati luajtën rol tepër të rëndësishëm në mbështetjen e shqiptarëve.
Gazeta Blic mbrëmë ka raportuar për lajmin në fjalë kurse sot raportojnë edhe mediat tjera për lajmin në fjalë.
Kështu, disa vite pasi kishte pushuar së ekzistuari, në Senatin e Shteteve të Bashkuara të Amerikës është formuar Kausus-i për shqiptarët në Ballkan i cili këso radhe do jetë i udhëhequr nga Senatorët Gary Peters (Demokrat nga Michigan) dhe Joni Ernst (Republikane nga Iowa), raporton Gazeta Blic.
Kaususi është një grupim në të cilin senatorë me ndikim koordinojnë punën me Senatin, Kongresin por edhe State Departamentin dhe sidomos Shtëpinë e Bardhë dhe Presidentin e Amerikës.
Kthimi i këtij grupimi paraqet një rëndësi të veçantë sidomos pse Joni Ernst, Senatorja Republikane do të jetë pjesë e këtij grupimi, raporton Gazeta Blic. Zonja Ernst është Republika shumë e afërt me Presidentin Trump dhe ka ndikim të madh në administratën e tashme amerike. Ndërsa Senatori Demokrat Gary Peters është mik i dëshmuar i shqiptarëve.
Në komunikatën e lëshuar për formimin e Causus-i, të nënshkruar Senatori Peters thuhet se “Unë mezi pres të punoj me senatoren Ernst për të riafirmuar lidhjet e thella në mes të popullit amerikan dhe shqiptar dhe mbështetjen e të drejtave demokratike për shqiptarët në vendet e Ballkanit”.
Ndërsa Zonja Ernst ka thënë se “Është shumë e rëndësishme që ne të vazhdojmë të forcojmë marrëdhëniet tona me aleatët tanë në Evropën Juglindore”, duke shtuar se “së bashku me senatorin Peters, unë pres që në diskutime të mëtejshme në lidhje me atë se si ne mund të mbështesim më mirë përparimin e qëllimeve tona të përbashkëta dhe interesave të përbashkëta”, thuhet mes tjerash në këtë komunikatë./Gazeta Blic/