‘U shku me vra Ganinë’, dëshmitari rrëfen se çfarë dëgjoi në mal
Sefaj: Problemi i qytetarëve të Luginës së Preshevës do të zgjidhet
Ministri i Brendshëm Flamur Sefaj është zotuar se problemi i qytetarëve të Preshevës me dhënien e lejeve të përkohshme dhe të përhershme në vendin tonë do të zgjidhet shpejt.
Nëpërmjet një shkrimi në Facebook, ministri Sefaj tha se ky do të jetë ndër prioritetet e punës së tij në Qeverinë e Kosovës.
Shkrimi i plotë i Sefajt në Facebook:
Sot në mbledhjen e Qeverisë shpreha përkushtimin tim, që shumë shpejt do të gjenden modalitete juridike për lehtësimin e procedurave për dhënien e lejeve të përkohshme dhe të përhershme për qytetarët e Luginës së Preshevës dhe viseve tjera. Prej emërimit tim në Ministrinë e Punëve të Brendshme, ky problem ka qenë një ndër prioritetet e mia, të cilën e kam cekur edhe në takimet me shoqatat e këtyre qytetarëve. Normalisht, deri te një zgjidhje permanente do të arrijmë vetëm me një koordinim të mirë me Qeverinë e Kosovës.
/Express