Rruga Podujevë-Prishtinë në mëshirë të fatit, Qeveria Kurti hesht

Kryeministri i Republikës së Kosovës, Albin Kurti, kishte mbajtur konferencë së bashku me kryetarin e Podujevës, Shpejtim Bulliqi, rreth punimeve në magjistralen Podujevë-Prishtinë më datën 2 nëntor 2021 në fshatin Sibofc, në përfundim të fushatës zgjedhore, transmeton PodujevaPress.net

Që nga ajo kohë thuajse nuk është bërë asgjë në këtë drejtim. Punimet po bëhen vetë sa për sy e faqe dhe shumicën e kohës nuk punohet fare.

Premtime të tilla dhan edhe ministrat e tij por gjithçka ka mbetur vetëm në nivel të deklaratave, kurse kjo magjistrale është bërë shumë e rrezishme për vozitësit.

Deputeti llapjan Isak Shabani që vije nga radhët e Partisë Demokratike të Kosovës, para disa ditësh në seancën e kuvendit ka pyetur ministrin e Punëve të Brenshme, Xhelal Sfeqla se sa është numri i aksidenteve nga viti 2011 në magjistralen Podujevë – Prishtinë.

Ministri Sfeqla ka thënë se nga viti 2011 deri në vitin 2021 në magjistralen Podujevë – Prishtinë kanë ndodhur 51 aksidente që kanë përfunduar me fatalitet me 57  të vdekur.

Gjatë kësaj periudhe kanë ndodhur mbu 1500 aksidente me dikund 3660 qytetar të lënduar.

Por çka kishte deklaruar kryeministri Kurti vitin e kaluar kur kërkonte votën e llapjanëve për Shpejtim Bulliqin. Ai kishte deklaruar se punimet në këtë rrugë janë zvarritur mjaftueshëm, teksa do të përfundojnë në vitin e ardhshëm.

VIDEO:

“Jemi këtë së bashku me kryetarin Bulliqi, të konstatojmë një zvarritje, përveç që është e dëmshme, është edhe e paarsyeshme, teksa sektori dy do të përfundojë deri në fund të vitit 2021, ndërsa në vitin 2022 ne zotohemi që do të përmbyllim punimet dhe gjithçka tjetër që është e nevojshme, në këtë mënyrë që kjo rrugë që e lidh llapin me kryeqytetin të jetë e përfunduar, dhe njerëzit të mos kenë më vështirësi në këtë trafik kaq të dendur, sikur të ishte në mes të Prishtinës”, kishte thënë Kurti.

Kujtojmë se Albin Kurti është lideri vetëm deri më tani që partia e tij ka marr 26 mijë vota më 14 shkurt 2021 në Podujevë.

Se a u gënjyen banorët e Podujevës nga zoti Kurti për premtimin e dhënë, këtë më së miri e dijnë llapjanët që udhëtojnë çdo ditë në këtë magjistrale.

Artikulli paraprakZyrtari i Ministrisë së Infrastrukturës rrezikon të përfundojë në burg për 500 € ryshfet
Artikulli tjetërAksioni “Brezovica”, ja çfarë ka konfiskuar policia në Podujevë