Çmimi i smartfonëve të Samsung, Galaxy A5 dhe Galaxy A7 kanë rrjedhur online, transmeton koha.net.
Si duket kompania koreane nuk është aq e mirë në mbajtjen e sekreteve, kur vjen puna te lansimi i pajisjeve të reja.
Në raportimet e fundit kanë rrjedhur çmimet e smartfonëve të serive të reja A ende pa dalë , ndërsa pritet të lansohen në javën e ardhshme.
Çmimet e smartfonëve që kanë rrjedhur janë, Galaxy A5 (2017) dhe Galaxy A7 (2017) të cilët priten të lansohen më 5 janar në Malajzi.
Galaxy A5 (2017) do të kushtoj 360 euro ndërsa modeli më i madh Galaxy A7 do të kushtoj 400 euro, që konsiderohen si çmime shumë të arsyeshme krahasuar me specifikat e smartfonëve.
