Rreshteri policor llapjan i cili nesër “mbushë” 18 vite. Ja si i mbijetoi pushkatimit në vitin 1999 nga forcat serbe

Nazim Sh. Veseli nga fshati Dumnicë i Podujevës në një intervistë dhënë PodujevaPRESS-it, ka rrëfyer tmerrin që ka përjetuar më 28 mars të vitit 1999, kur forcat paramilitare serbe e pushkatuan atë bashkë me tre persona të tjerë, njofton PodujevaPRESS.

Veseli rrëfen se si 18 vjet më parë, forcat paramilitare serbe e kanë marr atë bashkë me Idriz Tahirin, Selim Tahirin dhe Isak Jusufin, duke i rrahur e maltretuar për një kohë të gjatë, para se t’i pushkatonin.

Në këtë shtëpi Veseli tregon se strehoheshin afër 50 qytetarë në mesin e të cilëve ishte edhe familja e tij, ndërsa këta të katërtit i ndanë nga familjet për ti pushkatuar.

Ai tregoi se nga plumbat që i mori mbijetoi, ndërsa dy shokët e Nazimit, të cilët ishin babë e birë, Idriz Tahiri e Selim Tahiri nga plumbat e marr vdiqën në vend.

Veseli ka treguar për  vështirësitë që ka përjetuar për të ikur nga shtëpia në të cilën u pushkatuan. Personi i cili e ka ndihmuar të tërhiqet ashtu i plagosur rëndë ishte Ismet Oraca dhe e kishte strehuar në familjen Feta, ku edhe e kishte marr ndihmën e parë mjekësore pas 5 orëve.

Më pas me ndihmën e Vehbi Blakçori nga fshati Letanc  dhe të tre ushtarëve të UÇK-së, Bajram Shabani, Nexhemdin Feta dhe Jakup Blakçori është larguar nga qyteti dhe është dërguar për strehim në fshatin Ballofc.

Lexo po ashtu: A e dini historinë e llogos që mbanë komuna e Podujevës (Foto)

Nazim Veseli tregon se i kishte identifikuar me emër dhe mbiemër 4 paramilitarët serbë të cilët e kishin kryer ekzekutimit ditën e kobshme të marsit dhe ka  dëshmuar në Gjykatën e Krimeve të Luftës në Beograd për dorasit që shtien në të.

Veseli më tej tregon se që nga viti 2004 kur kishte dëshmuar, më asnjëherë s’ka marr asnjë informatë për procesin gjyqësor.

Lexo po ashtu: Kështu demostrohej gjatë viteve 90’ta në Podujevë (Foto/Video)

Veseli ka treguar për PodujevaPRESS së shtëpia e cila gjendej pranë rrugës “Zahir Pajaziti” në të cilin ishin ekzekutuar ka qenë e ministrit aktual nga radhët e LDK-së, z. Skender Hyseni.

Nazim Veseli tani është 44 vjeçar, është i martuar dhe ka 3 fëmijë ndërsa është pjestar në Policinë e Kosovës me gradë rreshter. /PodujevaPRESS/

Bëje LIKE faqen PodujevaPRESS për tu njohur me lajmet e fundit nga Podujeva: KLIKO KËTU

© PodujevaPRESS. Të gjitha të drejtat janë të rezervuara