‘U shku me vra Ganinë’, dëshmitari rrëfen se çfarë dëgjoi në mal
Rrëfehet gruaja e parë e Trump-it: Kështu më tradhtoi Donaldi
Ivana Trump ishte gruaja e parë e Donald Trump nga viti 1977 deri në 1992 dhe nëna e tre fëmijëve, Donald Jr, Ivanka dhe Erik. Javën që vjen ajo do të publikojë një libër që flet për jetën dhe martesën e saj. Ajo e kuptoi që martesa e saj mori fund momentin kur:
“Një vajzë e gjatë bionde m’u afrua nga hiçi dhe tha: Unë jam Marla dhe e dua burrin tënd. Po ti? I thashë: – zhduku. Sigurisht që e dua burrin tim. S’ishte aspak e sjellshme, por u shokova”.
Në vitin 1990, lidhja jashtëmartesore e Trump-it me Marla Maples u bë publike me anë të një artikulli të quajtur “Seksi më i mirë i jetës sime”. Tri vite më vonë, Trump u martua me Marlan dhe sollën në jetë Tiffanyn. Tani, Trump është i martuar me Melania Trump dhe kanë një djalë, Baron.
Në librin e saj, Ivana flet për martesën dhe rolin e saj në “Trump Organization”. Gjithashtu, tregon për dhimbjen që tradhtia e Trump-it u shkaktoi fëmijëve të saj. Donald Jr. nuk i foli të atit për një vit të tërë.
“S’kam fjalë të përshkruaj sa kohë të çmendura ishin. S’ndizja dot televizorin pa dëgjuar emrin tim kudo”, shkruan ajo.
Divorci mes tyre u përmend sërish gjatë fushatës së 2016-s, ku u fol se Ivana e kallëzoi Trump-in për përdhunim. Trump e mohoi akuzën vazhdimisht dhe Ivana qartësoi se akuza nuk kishte qëllime të drejtpërdrejta apo kriminale. Situata u përshkallëzua kur avokati i Trump tha se nuk ekziston diçka e tillë si përdhunim martesor.
Në një intervistë me CBS, Ivana rrëfeu se i ishte ofruar posti i ambasadores së Shteteve të Bashkuara në Çeki. Ajo s’e pranoi ofertën sepse ndihet e lumtur me jetën që ka.
Në librin e Ivanas flitet edhe për fëmijët e saj. Ajo beson se Ivanka ka brumin e duhur për t’u bërë presidente ndoshta pas 15 vitesh.
“Ndoshta pas 15 vitesh, mund të kandidojë për presidente. Zonjë e Parë? S’më tërheq aspak. Nënë e parë? Kjo po”, tha Ivana./Express/