Rrahen mes vete dy persona në Podujevë, njëri prej tyre përfundon në spital

Policia e Kosovës ka bërë të ditur se gjatë ditës së djeshme ka ndodhur një rrahje mes dy personash, në rrugën “Met Podujeva”, në Podujevë.

Sipas Policisë, rasti në fjalë është cilësuar si lëndim i lehtë trupor, raporton “Betimi për Drejtësi”.

“Rr. Met Podjeva, Podujevë , Pas një mosmarrëveshje ka ardhur deri te rrahja në mes të dyshuarit mashkull kosovar dhe viktimës mashkull kosovar. Viktima është dërguar në QKUK për tretman mjekësor”, thuhet në raportin e Policisë.

Bazuar në këtë raport, rasti në fjalë me vendim të prokurorit, pas intervistimit i dyshuari është liruar dhe rasti shkon në procedurë të rregullt.