Reagon Naim Fetahu: Shuma e ndarë prej 10 mijë euro nga Komuna e Podujevës është tallje për qytetarët
Kandidati i Partisë Demokratike të Kosovës për kryetar të Podujevës, Naim Fetahu ka shkruar në profilin e tij në facebook se “të gjitha komunat e prekura nga coronavirusi deri më sot kanë ndarë fonde të konsiderueshme për luftimin e kësaj pandime. Ndërsa, Podujeva, e cila ka edhe një të vdekur nga ky virus, nuk e ka bërë këtë, transmeton portali PodujevaPRESS.com
Reagimi i tij ka ardhur pasi që nënkryetari i komunës së Podujevës, Nexhmi Rudari, ka ndar shumën prej 10 mijë euro. Kjo ka bërë që të reagojë Naim Fetahu, i cili e ka shkruar se “kjo është e papërgjegjshme dhe e pamjaftueshme. Qytetarët tanë janë duke pasur jashtëzakonisht nevojë për të gjitha gjërat elementare.
Ky është shkrimi i tij.
Të gjitha komunat e prekura nga coronavirusi deri më sot kanë ndarë fonde të konsiderueshme për luftimin e kësaj pandime. Ndërsa, Podujeva, e cila ka edhe një të vdekur nga ky virus, nuk e ka bërë këtë. Drenasi ka ndarë 200 mijë euro. Vushtrria ka ndarë 200 mijë euro. Mitrovica 170 mijë euro e kështu me radhë. A e dini sa i ka ndarë komuna e Podujevës? 10 mijë euro për pako ushqimore.
Kjo është e papërgjegjshme dhe e pamjaftueshme. Qytetarët tanë janë duke pasur jashtëzakonisht nevojë për të gjitha gjërat elementare.
Unë i ftoj autoritetet komunale që të reagojnë menjëherë me një fond emergjent, në veçanti për zonat e prekura nga virusi. Të ndihmohen me mjete mbrojtëse, medikamente, ushqime dhe gjithçka tjetër. Po ashtu, ftoj edhe Qeverinë e Kosovës që të mos harrojnë qytetin e Podujevës. Nuk është kohë për dallime. Qytetarët e Podujevës sot kanë nevojë më shumë se asnjëherë për mbështetjen e institucionale. Merrni masa sot që nesër të mos jetë vonë.
