“Të vras”, “E han plumbin” | Çifti e kërcënojnë njëri – tjetrin
![Rasti i sulmit seksual në Podujevë: Viktima është 14-vjeçare, edhe i arrestuari i moshës së mitur](https://podujevapress.net/wp-content/uploads/2024/04/policia-Podujeve.jpg)
Rasti i sulmit seksual në Podujevë: Viktima është 14-vjeçare, edhe i arrestuari i moshës së mitur
Vajzat dhe gratë po vazhdojnë të jenë viktimat më të shpeshta të dhunës në familje, ngacmimeve e sulmeve seksuale. Në shumë raste, viktima janë vajzat e mitura, të cilat keqpërdoren seksualisht nga persona të rritur, raporton Gazeta Sinjali.
Për një rast të tillë që dyshohet se ka ndodhur së fundmi në Podujevë, ku një vajzë e mitur e moshës 14-vjeçare është ngacmuar seksualisht nga një person.
Rasti është denoncuar nga babai i viktimës, i cili ka kërkuar ndihmën e Policisë.
Sinjali ka mësuar se personi i arrestuar për këtë rast është po ashtu i moshës së mitur, i cili tashmë ndodhet nën masën e ndalimit policor.
Si rezultat i denoncimit, njësitë policore kanë marrë të gjitha veprimet e nevojshme hetimore dhe i dyshuari është shoqëruar në stacion policor, ku është intervistuar lidhur me rastin.
Të njëjtat burime kanë bërë me dije se i dyshuari ka deklaruar se gjithçka mes tij dhe viktimës ka ndodhur me dëshirën e tyre dhe jo me forcë.
Pas përfundimit të procedurave policore, Prokurori i Shtetit ka nxjerrë aktvendim që të dyshuarit t’i caktohet masa e ndalimit nën dyshimet për kryerjen e veprës penale ‘Sulm seksual’.