Ramush Haradinaj flet për takimin me Milaim Zekën pak çaste para se të arrestohej
Kryeministri Ramush Haradinaj, në emisionin Komiteti, ka treguar se çka bisedoi me deputetin e Nismës, Milaim Zeka, i cili u arrestuar të hënën, vetëm pak kohë pasi kishte dalë nga Zyra e Kryeministrit.
Haradinaj ka thënë se nuk e dinte se Policia do të ndalonte deputetin Zeka, por thotë se me të kanë folur për shumë çështje për të cilat së fundmi deputeti ishte në qendër të vëmendjes.
Pritja e deputetit Zeka në zyrën e tij, Haradinaj thotë se ndodhi pasi deputeti i kishte kërkuar një konsultë për ligjin e televizionit publik.
“U bënë shumë tema, ke grushtimi me studio, kjo tema dhe më shumë folëm për ligj të RTK’së tregon ai.
Kryeministri thotë se nuk i ka përmendur shumë deputetit skandalin me viza, për çka ai po mbahet në arrest shtëpiak për një muaj.
“I ka përmend edhe këto po s’kanë qenë temat kryesore”, thotë Haradinaj në Komitet. /express