Instrumentale shumë e bukur me titullin “Homazh”, në kujtim të atyre që
Ramadani jep lajmin e mirë për COVID-19
Drejtori i Institutit Kombëtar të Shëndetësisë Publike të Kosovës, Naser Ramadani ka thënë se situata e rëndë që ishte me COVID-19 në Kosovë po shënon rënie graduale.
Ramadani ka thënë se situata epidemiologjike e ditëve të fundit është në rënie e sipër, në një rënie graduale por të sigurt pas masave të marra nga institucionet shëndetësore.
“Situata epidemiologjike e ditëve të fundit është në rënie e sipër, në një rënie graduale por të sigurt duke i faleminderuar masat që janë ndërmarrë nga të gjitha institucionet shëndetësore, duke filluar nga ministra e Shëndetësisë e deri tek organet ekzekutive në terren, inspektoratet, policisë”, ka thënë Ramadani, transmeton Gazeta Metro.
Ramadani tha se qytetarët po respektojnë masat dhe po ruajnë veten dhe familjarët e tyre, ai tha se kështu po shkojmë drejt shuarjes së pandemisë COVID-19.
“Qytetarët po e ruajnë veten dhe familjet e tyre, gradualisht po shkojmë deri në shuarjen e plotë të pandemisë duke respektuar masat e ndërmarra nga ministria e Shëndetësisë”, tha Ramadani, transmeton Gazeta Metro.
Ramadani po ashtu tha se në 24 orët e fundit janë realizuar numër rekord të mostrave ku janë bërë 562 testime.