Qeveria i kategorizon veteranët në pension me 250, 170 dhe 120 euro

Qeveria e Kosovës e ka miratuar projektligjin për kategorizimin e veteranëve të luftës së UÇK-së me qëllim të pagesës së pensioneve sipas kontributit të tyre në luftë.

Me ligjin e ri i cili pritet të kalojë sot në Kuvend të Kosovës, kategoria e parë përfshin veteranin luftëtar të UÇK-së të mobilizuar në luftë nga viti 1991, deri më 5 mars 1998 dhe që ka qenë aktiv deri në ditën e përfundimit të luftës, kategoria e dytë pas datës 5 mars 1998 dhe ka qenë aktiv deri në ditën e përfundimit të luftës dhe kategoria e tretë pas datës 31 mars 1999 dhe ka qenë aktiv deri në ditën e përfundimit të luftës.

Ndërkohë, në fillim të mbledhjes së Qeverisë, kryeministri Isa Mustafa e dënoi deklarimin e deputetit të LVV-së, Ismail Kurteshi, i cili e ka fyer ministren e Drejtësisë, Dhurata Hoxha.

Mustafa: Kabineti qeveritar e mbështet ministren Dhurata Hoxha

“Dënoj ashpër gjuhën e rëndë dhe ofenduese të përdorur nga një zyrtar i lartë i LVV-së, Sami Kurteshi i cili para pak kohe ishte avokat i popullit ndërkaq tani shfaqet me gjuhë tmerrësisht fyese, ofenduese për një nënë, një zonjë, një ministre të nderuar ët këtij kabineti qeveritar. Unë konsideroj se fjalori i përdorur nga zoti Kurteshi ndaj ministres Dhurata Hoxha është i papranueshëm, është i pamoralshëm dhe është një ofendim për të gjitha gratë e Kosovës. Qeveria e Kosovës kërkon nga zoti Kurteshi dhe LVV që të kërkojnë falje dhe të heqin dorë një herë e përgjithmonë nga gjuha dhe veprimet ekstreme që të shmangen nga diskursi i pa tolerueshëm dhe nga dhuna”, ka thënë kryeministri Mustafa.

Kurse, ministri Arban Abrashi e ka paraqitur ligjin për veteranët e UÇK-së, i cili ka për qëllim kategorizimin e pensioneve të ish luftëtarëve.

Abrashi: I kemi ndarë tri kategori

“Qëllimi i nxjerrjes së këtij ligji është kategorizimi i veteranit luftëtar të UÇK-së  si përfitues i pensionet dhe definicioneve tjera që përcaktohen në përputhje me kohën e mobilizimit dhe shërbimit në UÇK. Ky kategorizim bëhet si në vijim: kategoria e parë, veterani luftëtar i UÇK-së i mobilizuar në luftë nga viti 1991 deri më 5 mars 1998 dhe ka qenë aktiv deri në ditën e përfundimit të luftës, kategoria e dytë, veterani luftëtar i UÇK-së i mobilizuar në luftë pas datës 5 mars 1998 dhe ka qenë aktiv deri në ditën e përfundimit të luftës dhe kategoria e tretë, veterani luftëtar i UÇK-së i mobilizuar në luftë pas datës 31 mars 1999 dhe ka qenë aktiv deri në ditën e përfundimit të luftës sikurse edhe veteranët luftëtarë të mobilizuar ën luftë nga viti 1991 përkatësisht 5 mars 1998 por që nuk kanë qenë aktiv deri në ditën e përfundimit të luftës”, tha ai.

Abrashi tregoi edhe për shumën e pagesave që i ka paraparë projektligji, deri sa shtoi se shuma e përgjithshme e buxhetit për këtë pagesë nuk mund ta kalojë 0,7 për qind të bruto prodhimit vendor apo GDP-së.

Abrashi: Buxheti i veteranëve nuk mund ta kaloj 0,7 për qind të GDP-së

“Po ashtu me këtë ligj specifikohet edhe pensioni mujor i veteranit luftëtar sipas këtyre kategorive: kategoria e parë 250 euro, kategoria e dytë 170 euro kategoria e tretë 120 euro. Buxheti i përgjithshëm

për realizimin e pagesës së pensionit të veteranit luftëtar të UÇK-së nuk mund të tejkaloj 0,7 për qind të bruto prodhimit vendor në vit. Në rast se buxheti prej 0,7 të bruto prodhimit vendor në vit nuk është i mjaftueshëm për mbulimin e kostos së përgjithshme të pensioneve të veteranit luftëtar, vetëm lartësia e pensionit prej 120 euro e paraparë në kategorinë e tretë do i nënshtrohet vlerësimit në përputhje me buxhetin e paraparë në pikën më lartë”, tha ai.

Abrashi tha se me këtë ligj gjithashtu formohet edhe komisioni për kategorizimin e veteranit luftëtar të UÇK-së sipas kategorive të caktuara me këtë ligj duke i mbështetur në dokumentet sipas të cilave siç th ai iu është njohur statusi i tyre nga përfaqësues të zyrës së kryeministrit për çështje të veteranit të luftës, MPMS dhe Organizata e Veteranëve të Luftës.

Mirëpo, kryeministri kërkoi shpjegime shtesë për shumën e buxhetit që është paraparë me këtë projektligj nga ministri Abrashi.

Mustafa: A është përfshirë buxheti prej 0,7 për qind e GDP-së

“S’po di këto ndryshimet për të cilat ne u morëm vesh me përfaqësues të veteranëve të kryetari i kuvendit sa i përket se tash nuk po i shoh mirë në këtë faktet se për nevoja të veteranëve ndahen 0,7 për qind të GDP-së vjetore dhe gjitha këto mjete shfrytëzohen për këto nevoja gjatë vitit ndërkaq nuk mund te tejkalojmë 0,7 a është kjo e përmbajtur në”, pyeti kryeministri.

Ai po ashtu kërkoi sqarim sa i përket kategorisë së tretë të pagesës për veteranë e ku e vërejti një gabim i cili doli të jetë teknik, për çka edhe shkuan në një pauzë të shkurtër.

Mustafa: Kategoria e tretë diku është 120 diku 110

Tash a ju pëlqen juve a s’ju pëlqen kjo është punë tjetër por kjo është marrëveshja me veteranët sepse në qoftë se atyre u takon 0,7 për qind e GDP-së nuk mund të themi se nuk ua japim këto mjete sepse kaq mjete janë të ndara për ta dhe marrëveshja është se sipas këtij kategorizimi ata ti shfrytëzojnë këto mjete gjatë vitit, në qoftë se donë edhe ndonjë shtesë me marrë e marrin por në qoftë se duhet edhe me e zvogëlua është thënë do të thotë që zvogëlohet tek kategori e tretë por shiko mos kemi aty dallime sepse në një vend thuhet që i ka 120 euro kategoria e tretë pastaj thuhet 110..gabim teknik është. Sepse madje merret në 110, ndërkaq 110 nuk është askund……propozoj që ta bëjmë një pauzë 10 min dhe të vazhdojmë”, theksoi kryeministri Mustafa.

Pas pauzës, ministri Abrashi e sqaroi gabimin që e kishin lëshuar gjatë hartimit duke thënë se është punuar deri vonë në këtë dokument.

Abrashi: Nëse buxheti është i pamjaftueshëm rivlerësohet kategoria e tretë

“Në qoftë se bënë teknikisht e kisha shtu edhe një pikë e cila ka qenë pjesë e konsultimeve  në mënyrë që të shkoj në Kuvend pastaj mund të diskutojmë. Pas pjesëve të kategorizimit përkatësisht neni5, neni4 që e përcakton pensionin mujor, neni 5 mundësinë që të punoj shtohet edh enjë nen 6 në rast se buxheti prej 0,7 për qind të bruto prodhimit vendor në vit nuk është i mjaftueshëm për bulimin e kostos së përgjithshme vjetore të pensionit luftëtar, veteranit luftëtar vetëm lartësia e pensionit prej 120 euro pra kategoria e tretë e paraparë do ti nënshtrohet vlerësimit në përputhje me buxhetin e paraparë në pikën më lart”, ka deklaruar ai.

Ndërkohë, lidhur me këtë ligj u miratua edhe vazhdimi i mandatit të komisionit qeveritar për njohjen, verifikimin e statusit të dëshmorit të kombit, invalidit, veteranit, pjesëmarrësit apo të internuarit të UÇK-së, të cilit iu dha mandati deri më 20 janar 2017.

Minstri Avdullah Hoti e sqaroi këtë vendim.

Hoti: Ti jepet afat komisionit deri më 20 janar 2017

“Të funksionalizohet komisioni qeveritar për njohjen, verifikimin e statusit të dëshmorit të kombit, invalidit, veteranit, pjesëtarit apo të internuarit të UCK-së që është themeluar më herët me vendimin e qeverisë së datës 27.01.2012 dhe i plotësuar më vonë me vendime të datës 21.11 2012 dhe të datës 13.05.2016 me të cilin me këtë të fundit është përcaktuar përfundimi i mandatit të këtij komisioni më 20.05.2016. komisioni funkksionalizohet me qëllim që ti shqyrtoj aplikacionet e mbetura që kanë të bëjnë me statusin e dëshmorit të kombit të rënë në forma të ndryshme për lirinë e vendit në periudha të ndryshme historike,. Me qëllim të përfundimit të këtij procesi të rëndësishëm propozohet që ky komision të funksionalizohet që deri më datë 20 janar 2017 ta përfundoj punën për shqyrtimin e aplikacioneve të mbetura për këtë kategori të përcaktuar me nenin 8 të ligjit që e cito, /InfoPress/