Pushteti në Podujevë akuzohet se po i mban militantët e LDK-së në këshillat e fshatrave

Përfaqësues të shoqërisë civile dhe të partisë opozitare, Vetëvendosje, në Podujevë po e kritikojnë ekzekutivin e kësaj komune për mosmiratimin e një rregulloreje që ka të bëjë me organizimin e këshillave të fshatrave dhe lagjeve të qytetit. Ata po e akuzojnë LDK-në se qëllimisht për dy vjet po e vonon miratimin e këtij dokumenti për t’i mbajtur në pozitat e kryetarëve njerëzit e tyre partiakë.

Përfaqësuesi i rrjetit të OJQ-ve “Demokracioa Fillon Këtu”, Shemsi Jashari, ka thënë se mosmiratimi i rregullores që e bën organizimin e lagjeve e fshatrave të Komunës së Podujevës tregon për mungesën e vullnetit të pushtetit lokal.

“Ne momentalisht i kemi përfaqësuesit e fshtrave të emëruar, jo në mënyrë dekomratike, pra jo të zgjedhur, dhe mendoj që për të mos prishur komoditetin e kërkesave që vijnë prej njësive administrative, prej fshatrave dhe lagjeve të ndryshme, Komuna qëllimisht nuk e miraton këtë dokument me të vetmen arsye që investimet kapitale dhe projektet që Komuna i financon t’i orientojë sipas dëshirave dhe preferecave të veta politike në ato rajone dhe të mos jetë në presion të personave të zgjedhur në mënyrë të rregullt që do t’i ngarkonin me kërkesa dhe t’i detyronin që planet e zhvillimit dhe projektet e caktuara t’i orientojnë në vende sipas nevojës e jo sipas preferencave politike”, është shprehur Shemsi Jashari.

Ai ka thënë se si shoqëri civile vazhdimisht kanë bërë presion dhe iu kanë drejtuar me shkresë edhe ish-kryetarit Agim Veliu, që këtë dokument ta shtyjë përpara… (Më gjerësisht lexoni në KOHA Ditore)