Prishtina mposht Llapin, Batatina thotë se Llapi nuk ishte në ditën më të mirë

Llapi u mposht në kryendeshjen e javës si mysafir i Prishtinës.

Dueli i xhiros së 13-të në “Fadil Vokrri” u mbyll me rezultat 2-0.

Trajneri i Llapit, Tahir Batatina tha se ekipi i tij dha gjithçka nga vetja por nuk ishte në ditën më të mirë.

“Mendoj që nuk i shfrytëzuam rastet në pjesën e parë dhe pranuam gol të lehtë. Ishim të pavëmendshëm. Djemtë bënë maksimumin. Djemtë dhanë gjithçka nga vetja por nuk ishim në ditën më të mirë. Ndoshta në pjesën e parë nuk është dashur të pranojmë gol, në mënyrë që të ishim më të qetë në pjesën e dytë”, tha fillimisht Batatina.

Tutje, Batatina nuk kurseu lëvdatat për futbollistin e tij, Ilir Krasniqin.

“Ilir Krasniqi është Amir Rrahmani i dytë i Kosovës. Nëse reprezentacioni i Kosovës ka fituar një lojtar nga Superliga, ai është Ilir Krasniqi. Respekt për ata që kanë luajtur deri tani te Kosova, por Kosova ka fituar një mbrojtës që po shkëlqen në çdo ndeshje”, është shprehur Batatina.

Artikulli paraprakZbulohet se kur mund të kemi një vaksinë kundër kancerit
Artikulli tjetërNgjarja e dhimbshme për familjen Gërbeshi, kjo është 35-vjeçarja që i dha fund jetës duke kërcyer nga ndërtesa