Posta e blinduar nga Policia, po priten shkarkime

Në kohën kur po mbahet mbledhja e Bordit të Përkohshëm me menaxhmentin në Postën e Kosovës, policia ka rrethuar objektin e kësaj të fundit.

Një numër i madh i policëve janë vendosur si brenda ashtu edhe jashtë objektit.

Ndërkohë, në media raportohet se në këtë mbledhje  pritet të shkarkohet kryeshefi i Telekomit, Bedri Istrefi dhe drejtori financiar, Armand Osaj.

Siç raportohet pjese e kësaj mbledhjeje pritet të jetë edhe ministrja e Ekonomisë, Rozeta Hajdari, gjersa prezenca e policisë është shtuar për shkak të situatës së tensionuar.

Për këtë ka njoftuar edhe Posta e Kosovës e cila  përmes një njoftimi për media ka bërë të ditur se pjesëtarë të Policisë së Kosovës janë vendosur brenda objektit dhe para hyrjes së Postës, për çka ata thonë se nuk i dinë arsyet.

“Ju njoftojmë se aktualisht derisa po mbahet mbledhja e Bordit të Përkohshëm me menaxhmentin në Postën e Kosovës kanë ardhur policia dhe janë vendosur edhe brenda objektit edhe para hyrjes së Postës. Nuk e dimë arsyen për një veprim të tillë”, thuhet në njoftimin e Postës”, thuhet në njoftim.

Lojtës Videosh