Policia sekuestron tri armë zjarri dhe municion në Podujevë, kapen dy persona

Policia e Kosovës ka gjetur dhe sekuestruar armë dhe municion në Podujevë pasi një ditë më parë ishte raportuar për të shtëna me armë zjarri, shkruan Gazeta Sinjali.

Pas kontrollit të kryer, Policia njofton se janë shoqëruar në stacion policor dy persona dhe janë sekuestruar “tri armë zjarri, karikatorë dhe 35 fishekë”, thuhet në njoftim.

“Sekuestrimi i armëve është bërë pas kontrollit të kryer me urdhër të prokurorit dhe Gjyqtarit të procedurës paraprake, të vendbanimit të personave të dyshuar, një ditë pas raportimit për të shtëna me armë (në ajër), në rrugën “Zahir Pajaziti” në Podujevë”, njofton Policia.

Ndërsa, ndaj personave të dyshuar janë iniciuar raste për përdorim të armës dhe mbajtje në pronësi, kontroll ose posedim të pa autorizuar të armëve.