Zëvendësministri Durmishi ftohet nga Prokuroria Speciale për tenderin e rrugës Prishtinë-Podujevë
Policia e Kosovës shpall konkurs për pranimin e policëve të rinj |Konkursi
Në bazë të Ligjit për Policinë, kreu V, neni 44, Ligjin e Punës Nr. 03/L-212, kreu II, neni 8, Ligji për Barazi Gjinore nr. 05/L-020, neni 5 dhe 6, Ligji për Mbrojtjen nga Diskriminimi nr. 05/L-021, neni 7, Udhëzimin Administrativ 01/2021 mbi Marrëdhënien e Punës në Policinë e Kosovës, kapitulli III neni 8, neni 9 pika 1 dhe 2, dhe Vendimin e Drejtorit të Përgjithshëm datë:27/10/2021 me nr ref: 01/0847, Policia e Kosovës shpall konkurs për pranimin e zyrtarëve policorë sipas kushteve të parapara të konkurrimit, transmeton PodujevaPRESS.net.
Kandidatët që aplikojnë për zyrtarë policorë në Policinë e Kosovës duhet t’i përmbushin këto kritere thuhet në njoftim:
- a) Të jetë shtetas i Republikës së Kosovës;
- b) Të jetë i moshës 18-30 vjeçar;
- c) Të ketë të përfunduar shkollimin e mesëm;
- d) Të jetë në gjendje të mirë fizike, mentale dhe emocionale;
- e) Të mos jetë i dënuar për ndonjë vepër penale;
- f) Të mos posedojë në vend të dukshëm tatuazh (fytyrë, qafë, duar);
- g) Të ketë integritet personal dhe vlera të larta etike.
Aplikimi për zyrtar policor bëhet online. Kandidatet e interesuar mund të aplikojnë përmes ueb faqes zyrtare të Policisë së Kosovës: www.kosovopolice.com nga data 28.10.2021 deri me datën 16.11.2021.