Policia apel edhe qytetarëve të Podujevës: Mos bini pre e mashtruesve që ju kërkojnë para

Policia e Kosovës, Njësia e hetimeve e stacionit policor të Gjilanit, ka pranuar një ankesë nga Ankuesi shqiptar shtetas i Kosovës i cili ka raportuar se një person ka shkuar te shpija e ankuesit dhe ia kërkon 150€ kinse ka bere aksident dhe i nevojiten të hollat, i dyshuari është paraqitur se është i njohshëm i ankuesit duke e mashtruar dhe me lajthitje arrin ta mashtroj ankuesin duke ja marrë të hollat.

Rasti procedohet në njësinë e hetimeve.

Përmes një njoftimi, policia bën me dije se këto janë raste që kohëve të fundit po paraqite nga qytetarë të ndryshëm.

“Para dy ditëve këtu në qytetin e Gjilanit është arrestuar një i dyshuar nga Komuna e Podujevës, që përmes mashtrimit se kinse e kishte një familjar të sëmur u merrte para personave duke kërkuar nëpër shtëpi, i njëjti është arrestuar dhe ndalur në mbajtje për 48. Policia e Kosovës porosit që në as një rrethanë qytetarët mos të bien pre e këtyre mashtrimeve duke u dëmtuar materialisht, në raste të tilla menjëherë të lajmërohet Policia e Kosovës për mes numrit 192 i cili është në shërbim njëzet e katër orë”, thuhet në njoftim./Indeksonline/