PODUJEVË: Policia në kërkim të personit që plagosi 2 persona dhe sulmojë policinë me armë zjarri

Sonte rreth orës 20:00 në Podujevë është raportuar për të shtëna me armë zjarri, më saktësisht në rrugën “Zahir Pajaziti”, shkruan Gazeta Sinjali.

Lajmin për Gazetën Sinjali e ka konfirmuar zëdhënësja e PK-së për rajonin e Prishtinës, Flora Ahmeti, e cila tha se bazuar në të dhënat fillestare dyshohet se nga personi i dyshuar (i njohur për policinë) janë plagosur 2 persona.

Po ashtu, të njëtit janë dërguar për tretman mjekësor.

Gjithashtu, Ahmeti po ashtu tha se personi i dyshuar i cili në ikje e sipër ka shtënë edhe në drejtim të zyrtarëve policor.

“Menjëherë pas marrjes së këtij informacioni policia ka dale në vendin e ngjarjes dhe eshte vënë në ndjekje të personit të dyshuar i cili në ikje e sipër ka shtënë edhe në drejtim të zyrtarëve policor të cilët  detyrimisht i jane pergjigjur në menyrën e njëjtë.

Aktualisht hetuesit policor janë në kërkim të personit të  dyshuar si dhe sqarimin e të gjitha rrethanave që lidhen me rastin”, tha ajo.