Përleshje për një femër, arrestohen dy persona njëri trajtohet në spital
Gjatë ditës së djshme në rrugën “Avdullah Tahiri” në Gjilan ka ndodhur një rast rrëmbimi. Dy shqiptarë janë arrestuar nga Policia e Kosovës pasi të njëjtit kanë futur dhunshëm në veturë një serb për shkak të një mosmarrëveshjeje të mëhershme. Në tërë këtë situatë serbi kishte arritur ta çelte derën e veturës dhe të kërcente.
Më pas të dy e kanë sulmuar fizikisht viktimën. Gazeta Express mëson se shkaktar i këtij incidenti ka qenë një mosmarrëveshje rreth një femre.
Viktima ka pësuar lëndime trupore dhe më pas ka pranuar trajtim mjekësor në spital, ndërsa sulmuesit janë dërguar në mbajtje.
Raporti i plotë i policisë:
Rr. “Avdullah Tahiri”, Gjilan 30.01.2018 – 19:40. Janë arrestuar dy të dyshuar meshkuj K/Shqiptarë, pasi të njëjtit si pasojë e një mosmarrëveshje të mëhershme kishin futur me dhunë në veturën e tyre viktimën mashkull shqiptar shtetas i Serbisë. Viktima kishte arritur që të hapte derën e veture dhe të kërcente nga vetura. Viktimës i është ofruar tretmëni mjekësor, të dyshuarit me vendim të prokurorit dërgohen në mbajtje./Express