Përfundon numërimi i votave në Podujevë: Kurti më i votuari, pasojnë Vjosa Osmani, Lumir Abdixhiku dhe Bedri Hamza

Pas përfundimit të numërimit të votave për kandidatët e subjekteve politike në Komunën e Podujevës, rezultatet tregojnë dominimin e Lëvizjes Vetëvendosje, ndërsa kandidatët kryesorë të partive të tjera kanë siguruar gjithashtu mbështetje të konsiderueshme nga qytetarët llapjanë.

Kandidati më i votuar në nivel komunal rezulton të jetë Albin Kurti me 13,490 vota, i ndjekur nga Glauk Konjufca me 10,549 vota.

Nga radhët e LDK-së, më e votuara ka dalë Vjosa Osmani me 5,583 vota, ndërsa kryetari i partisë Lumir Abdixhiku ka marrë 5,249 vota.

Në PDK, kandidati më i votuar është Bedri Hamza me 4,030 vota, ndërsa në AAK prin Besnik Tahiri me 742 vota.

Kandidatët më të votuar sipas subjekteve politike

Lëvizja Vetëvendosje

1. Albin Kurti – 13,490 vota
2. Glauk Konjufca – 10,549 vota
3. Fitim Haziri – 6,439 vota
4. Saranda Bogujevci – 6,109 vota
5. Drita Pajaziti – 5,989 vota

Lidhja Demokratike e Kosovës

1. Vjosa Osmani – 5,583 vota
2. Lumir Abdixhiku – 5,249 vota
3. Ekrem Hyseni – 4,584 vota
4. Arjeta Salihu Abazi – 4,331 vota
5. Doarsa Kica-Xhelili – 4,103 vota

Partia Demokratike e Kosovës

1. Bedri Hamza – 4,030 vota
2. Rrustem Mustafa – 3,713 vota
3. Shemsi Jashari – 2,807 vota
4. Uran Ismaili – 2,436 vota
5. Përparim Gruda – 2,256 vota

Aleanca për Ardhmërinë e Kosovës

1. Besnik Tahiri – 742 vota
2. Ardian Gjini – 681 vota
3. Ramush Haradinaj – 529 vota
4. Bekë Berisha – 457 vota
5. Daut Haradinaj – 365 vota