PDK: Organet komunale e kanë katandisur çdo cep të Podujevës!

Partia Demokratike e Kosovës në Podujevë ka akuzuar organet komunale se e kanë katandisur çdo cep të komunës së Podujevës, njofton PodujevaPRESS.

Komisioni për informim i PDK-së në Podujevë përmes një kumtese ka shprehur shqetësimin e PDK-së së Podujevës për mungesën e ujit të pijshëm për banorët e Orllanit dhe fshatrave përreth tash e 17 vite nga paslufta edhe pse nga ky vend furnizohet me ujë më shumë se gjysma e Kosovës.

Partia Demokratike Kosovës në Podujevës ka akuzuar organet komunale, për neglizhencë e shumë çështje të tjera, dhe përveç që e kanë katandisur çdo cep të komunës së Podujevës, ata vazhdojnë të mos i plotësojnë edhe kushtet elementar për jetë, siç është uji i pijshëm./PodujevaPRESS/

Bëje LIKE faqen PodujevaPRESS për tu njohur me lajmet e fundit nga Podujeva: KLIKO KËTU

Kjo është kumtesa e plotë:

Partia Demokratike e Kosovës, dega në Podujevë e ka përcjellur në vazhdimësi me shqetësim të madh, qoftë nëpërmjet këshilltarëve të saj komunal, qofë në forma tjera, çështjen e mungesës së ujit të pijshëm, në regjionin e Llapit e posaqerisht në Orllan nga vendi ku me ujë furnizohet gjysma e Kosovës.

Mungesa e ujit të pijshëm në Orllan edhe 17 vjet pas luftës është e pajustifkueshme në të gjitha rrethanat. Organet komunale, siç kanë neglizhuar edhe shumë çështje të tjera, dhe në këtë formë përveç që e kanë katandisur çdo cep të komunës së Podujevës, ata vazhdojnë të mos I plotësojnë edhe kushtet elementar për jetë, siç është uji.

Po ashtu këta banorë përballen edhe me probleme tjera, siç është infrastruktura e keqe, gjë që e vështirëson edhe më teper jetën në këtë pjesë dhe si pasojë dita ditës këto fshatra po braktisen.

Prandaj Partia Demokratike e Kosovës, dega në Podujevë e përkrahë protestën paqësore të banorëve të Orllanit dhe i bënë thirrje organeve komunale që të jenë të përgjegjshëm në përmbushjen e kërkesave të qytetarëve të komunës sonë, sepse damkosja ne llumin e ndergjegjes qytetare do t’ju vij ne zgjedhjet lokale.

 

Me respekt,

Komisioni për Informim

PDK-Podujevë