Kurti e Bulliqi bënë homazhe në 25 vjetorin e Masakrës së Dyzit
PDK me Konventë në mars, para saj Veseli takon qytetarët
Partia Demokratike e Kosovës e ka mbledhur Këshillin Drejtues të saj.
Partia Demokratike e Kosovës do ta mbajë Konventën Zgjedhore në muajin mars të këtij viti dhe lideri i saj, Kadri Veseli, ka kërkuar sot mobilizim nga strukturat partiake në të gjitha nivelet.
Në fjalën e tij, gjatë takimit të Këshillit të Përgjithshëm të PDK-së, Veseli ka paralajmëruar se para Konventës do t’i takojë qytetarët anekënd Kosovës, në mënyrë që aspiratat e qytetarëve të jenë platforma e ardhshme e PDK-së.
“Kemi përpara shumë punë. Shumë shpejt do të kemi një Konventë të re zgjedhore të Partisë Demokratike të Kosovës”, ka thënë Veseli.
“Kërkohet angazhim maksimal i të gjithëve, mobilizim i strukturave në të gjitha nivelet, duke u nisur nga ju dhe përgjegjësitë individuale qe i keni, dinamikë e re në aktivitetet e përditshme partiake, hapje e partisë për të gjithë njerëzit që kanë ide dhe duan ta shohin Kosovën të ecë përpara zgjerim dhe thellim i komunikimit me qytetarët në të katër anët e vendit”, është shprehur ai.
Veseli ka pohuar se në javët e ardhshme, ai do t’u prijë këtyre takimeve, që përfshijnë strukturat e PDK-së dhe qytetarët në të gjithë vendin.
“Do të bashkëbisedoj me ta, të njihem me shqetësimet dhe pritjet e tyre. Vizioni ynë buron nga vullneti i tyre dhe platforma jone do te jete realizim i aspiratave te tyre. Kemi hyrë në vit elektoral dhe koha është që të përgatitemi për fitoren e radhës të Partisë Demokratike të Kosovës. Ne gjithmonë i kemi merituar fitoret dhe fitoret tona janë kthyer gjithmonë në garanci për ecjen përpara të shtetit të Kosovës”, ka deklaruar Veseli.
Veseli: Janë anashkaluar shqetësimet e qytetarëve, me agjenda dhe debate shterpe
(I plotësuar) – I pari i PDK-së, Kadri Veseli, në mbledhjen e Këshillit Drejtues ka thënë se kemi humbur shumë kohë dhe energji në debate dhe agjenda shterpe, të motivuara nga interesa meskine politike.
“Janë lënë anash qytetarët dhe shqetësimet e tyre reale që lidhen në mënyrë të drejtpërdrejtë me zhvillimin ekonomik dhe mirëqenien e familjeve të tyre.Janë lënë anash parimet kryesore të demokracisë, se politika është për tu dhënë zgjidhje problemeve të qytetarëve, e jo për tu krijuar probleme të reja atyre”, ka thënë Veseli.
Dhe krejt kjo, sipas Veselit, ka ardhur jo për fajin e Partisë Demokratike të Kosovës apo edhe koalicionit qeverisës.
“Fatkeqësisht,disa nga forcat politike opozitare kanë zgjedhur rrugën e gabuar në bërjen e opozitarizmit, duke tentuar të bllokojnë proceset politike të shtetit për përfitime politike”, ka thënë ai.
Veseli ka shtuar se situata politike shpeshherënë realitetin tonë politik aktual po bëhet e komplikuar, brenda cinizmit të kësaj tentative, duke u thirrur edhe në mbrojtjen e shtetit apo sovranitetit të tij.
“Kjo ështëjo vetëm e papranueshme, si sjellje dhe mentalitet, por është e dëmshme pikërisht për shtetin dhe kombin tonë”, është shprehur Veseli.
Ai ka thënë se shteti nuk mbrohet duke penguar proceset e tij të shtetformimit.
Sovraniteti i shtetit, sipas Veselit, nuk mbrohet duke penguar procesin e përcaktimit të kufijve ndërkombëtar të tij.
“Shteti nuk respektohet duke përçmuar simbolet dhe kushtetutën e tij”, është shprehur ai.
Veseli ka theksuar se qytetarët nuk përfaqësohen me veprime politike që pengojnë procesin e integrimeve euroatlantike, në të njëjtën kohë duke u thirrur në këto vlera.
“As nuk liberalizohen vizat për qytetarët tanë me sjellje të tilla politike dhe është cinizëm të mendohet të krijohet ushtria e Kosovës duke humbur besimin e partnerëve tanë të NATO-s, SHBA-ve dhe vendeve tjera perëndimore me qëndrime dhe imponime politike vetëm për konsum elektoral”, ka thënë Veseli.
Mblidhet Këshilli Drejtues – Veseli: PDK, garantuese e të arriturave të shtetit
Kryetari i PDK-së, Kadri Veseli, ka thënë se ky forum i lartë është mbledhur për të diskutuar për gjendjen aktuale në vend, për angazhimet partiake dhe institucionale, si dhe për prioritetet që na presin në muajt në vazhdim, gjatë këtij viti vendimtar për të ardhmen e vendit.
“Si gjithmonë, Partia Demokratike e Kosovës, në të gjitha nivelet e saj, në të gjitha angazhimet e saj, ka qenë garantuesi kryesor i të arriturave të mëdha të shtetit tonë gjatë gjithë këtyre viteve. Do të vazhdojmë të jemi të tillë. E kemi obligim dhe pasion njëkohësisht këtë synim.Pa asnjë mëdyshje. Asnjë lëkundje. Sepse jemi partia më e madhe në vend. Sepse kemi besimin më të madh të qytetarëve të Republikës. Sepse alternativa jonë politike është alternativa më bindëse për shtetin e Kosovës, për fuqizimin dhe avancimin e tij të brendshëm dhe të jashtëm”, ka thënë Veseli.
Në dy vjetët e fundit si shtet dhe shoqëri, Veseli ka thënë se kemi kaluar momente aspak të mira.
“Kemi kaluar momente sfiduese për shtetin dhe disa herëzhgënjyese për qytetarët tanë”, është shprehur ai.
Sipas kreut të PDK-së, imponimi i frymës së konfliktit politik dhe ikja nga domosdoshmëria e konsensusit për interesat vitale të shtetit, kanë pasur vetëm pasoja negative për vendin dhe qytetarët. /Lajmi.net/