Opinion: Zgjedhjet e jashtëzakonshme në Podujevë

Shkruan: Behram Behluli

Zgjedhjet  për kryetar të komunës së Podujevës, të cilat do të mbahen me 29 nëntor të këtij viti, janë para-finalja e cila do të luhet para zgjedhjeve parlamentare në nivel vendi!

Besohet se PDK, VV, LDK,në këto zgjedhje do të bëjnë luftë të pa kompromis për të treguar fuqinë e tyre elektorale, zgjedhjet e 29 nëntorit  janë para-finalja e cila do të luhet para zgjedhjeve parlamentare, rezultati i se cilës do të tregoj shenjat e dukshme se cila nga parti politike ka rritur apo humbur elektorat.

Të tri këto parti kanë arsyet të fuqishme të punojnë në këto zgjedhje më shumë se herëve tjera, në Podujevë ketë herë nuk matet vetëm fuqia e kandidateve për kryetar komune po matet fuqia e partive dhe liderëve të tyre në nivel vendi.

Po të votohej për kandidatin më të mirë për kryetar komune, padyshim se do të duhej të votohej z.Naim Fetahu, i arsimuar, me përvojë  menaxheriale, i afërt me qytetar, i ndershëm e i pakorruptuar, ish luftëtar i lirisë!

Nexhmi Rudari, ish aktivist i Partisë Demokristiane, në qytet për të flitet se ai nuk është kryetari, faktikisht nuk është ai i cili udhëheqë sot apo  do të udhëheqë nesër edhe nëse i fiton zgjedhjet, njihet si njeri i pa fuqishëm për tu përballur me klanet e interesit të shtresuara prej kohesh në pushtetin komunal të Podujevës.

Shpejtim Bulliqi, aktivistë i Lidhjes Demokratike të Kosovës, i afërt me struktura të caktuara të PDK-së, bashkëpunëtor i ngushtë i liderit të AAK-së, aktivist Lëvizjes Vetëvendosje, çorbë e pushtetit aktual, si mund ta kundërshtoj politiken e pushtetit aktual apo të punojë ndryshe nga ta, kur ai vetë është krijues dhe zbatues i politikave aktuale qeverisëse në komunë.

Pra po të votohej për qeverisje të mirë dhe për ndryshim do te duhej të votohej Naim Fetahu, besojë se për këto zgjedhje kjo do të ishte zgjidhja.

Por në këto zgjedhje lufta politike nuk do të jetë vetëm e kandidatëve për kryetarë Komune, besohet se në këtë betejë do të marrin pjesë edhe Kadri Veseli, Albin Kurti e Agim Veliu, qe besa edhe Vjosa Osmani.

Është për të besuar se PDK, VV, LDK, do të përdorin secila gjithë fuqinë e vetë për të arritur qëllimin, pra synim do të kenë fitoren  me çdo kusht në këto zgjedhje lokale.

PDK në këto zgjedhje ka mundësinë  të shohë e të  tregoj fuqinë e sajë ,të shoh veten në pasqyrë, të shoh se sa dhe si e ka luajtur opozitarizmin ,suksesshëm apo jo.

VV, bashke me Vjosa Osmanin do të matën me  LDK e  Agim Veliun,Albin Kurti   e Vjosa Osmani  do të bëjnë çdo gjë për ta varrosur politikisht Agim Veliun,vendi dhe koha  për ta kryer këtë punë është tani në Podujeve,nëse në këto zgjedhje humbë LDK me Agim Veliun  do të lindë Agimi për Vjosën.

Kurse VV –së, me Albinin Kurtin do ti hapej rruga për fitore shumë më të madhe në nivel republike se sa  herën e kaluar, po nuk ndodhi humbja e Agimit Veliut, Albin Kurti e Vjosa Osmani do ta kenë të vështirë luftën pulitke në të ardhmen me LDK-në.

Nëse humbet Agim Veliu, humb LDK, nëse humbe LDK, PDK-në luftë për vendin e parë në nivel vendi do të ketë vetëm VV-në, LDK përfundimisht do të behej parti e tretë në nivel vendi, gjithnjë pas kësaj në rënie të lirë.

Fitorja e LDK-së do të ishte fitore e madhe e Agim Veliut, LDK do të tregonte fuqinë e vetë si parti politike pa marrë parasysh turbulencat brenda partisë,si rasti me Vjosa Osmanin,Agim Veliu do të fitonte fuqi të madhe dhe respekt brenda partisë dhe në opinion fitorja e LDK-së në Podujevë do të lexohej si fitore e Agim Veliu kundrejt  Albin Kurtit e  Vjosa Osmanit.

Prandaj në Podujevë nuk do të duhej të merremi me liderët nacional sepse ne nuk fitojmë gjë prej gjëje nga belaja që e kanë krijuar liderët në nivel vendi, mbetet tek qytetarët të vendosin, të votojnë për PDK-në  e Kadri Veselit, VV-në e Albin Kurtit apo LDK e Isa Mustafës, apo për kandidatin më të mirë për kryetar komune.

Vota jonë nuk do të duhej të ishte votë për liderët nacional por duhet të jetë votë për mirëqenien e qytetarëve të Komunës së Podujevës, votë për qeverisje të mirë!