‘U shku me vra Ganinë’, dëshmitari rrëfen se çfarë dëgjoi në mal
OPINION: Procesi zgjedhor i PDK-së
Në tetor të vitit 2018, Partia Demokratike e Kosovës shpalli zgjedhjet partiake, secila parti normale e cila duhet të ketë synim rritjen dhe funksionimin e mirë, merr masa paraprake duke pasë për bazë të kaluarën dhe duke planifikuar të ardhmen.
Shkruan: Behram Behluli
Zgjedhjet e mbajtura brenda partiake do të ishin të suksesshme po të arrinin së paku dy qëllime:
-Zgjedhjet të jenë demokratike
-Partia të organizohet mirë, të jetë në gjendje t’i përgjigjet rrethanave të reja në të cilat po kalon vendi.
Për të arritur këto qëllime është dashtë organizim i mirëfilltë e gjithëpërfshirës ,të sigurohemi që të kemi zgjedhje ku respektohen procedurat,të garantohet transparenca dhe të sigurohet vota,asnjërën nga këto nuk i përmbushi PDK.
Zgjedhjet në PDK, nuk ishin as demokratike e as transparente, procesi zgjedhor dështoj të organizohet duke filluar nga baza.
-Përzgjedhja e kandidatëve për kryetar degësh, kryesi të degëve e nëndegëve, pa kurrfarë kriteri e parimi, me ndërhyrje e mashtrime,me premtime e shantazhe.
-Ndërhyrja e vrazht e liderëve nga qendra e partisë në procesin zgjedhor për kryetar të degëve, trysni ndaj disa kundër kandidatëve për tu tërhequr nga gara.
-Ndërprerjet e vazhdueshme të punimeve nga të deleguarit e qendrës për mbikëqyrje të procesit zgjedhor deri ne degradim të procesit, krejt kjo me qëllim të krijimit të kushteve për fitore të kandidateve të preferuar të tyre.
-Dështimi i përzgjedhjes se duhur të kandidateve për deputet në zgjedhjet parlamentare
Dështimi në fushatë
Shembull për analizë se si degradohet partia mund të merret dega e PDK-së,në Podujevë, nominimi i kandidatit nga vetë qendra e PDK-së për deputet, kandidat të cilin nuk e ka parë kurrë anëtarësia e PDK-se, dega në Podujevë, i panjohur në opinion, i panjohur në anëtarësi, në zgjedhje mori jo më shume se 400 vota, ky është shembull si përzgjedhen figurat politike.
Përçarja; përkrahja me mjete dhe dhënia e hapësirave në paraqitje publike e debate publike vetëm për disa kandidat për Kuvendin e Kosovës.
Përmbyllja e procesit zgjedhor të brendshëm, kryesi e re!
Përmbyllja e procesit zgjedhor në muajin dhjetor 2019,PDK zgjodhi kryesinë në nivel qendror,përzgjedhje e gabuar,anëtar të kryesisë të cilët nuk përfaqësojnë vullnetin e anëtarësisë, përzgjedhje e imponuar, përzgjedhje e cila nuk përfaqëson frymën e PDK-se, kjo kryesi mund të jetë përzgjedhje e çdo kujt, e anëtarësisë JO.
Paaftësia për të menaxhuar
Dështimi në zgjedhjet e partisë, dështimi në zgjedhjet parlamentare, janë dështime për te cilat është dashtë të japin përgjegjësi ata të cilët i planifikuan dhe i menaxhuan, sepse mossukses tregon paaftësinë e tyre për të udhëhequr.
PDK tani e tutje mund të jetë çkado, mund të jetë PDK e individëve, e klaneve ,vetëm PDK e dalë nga sakrifica qindravjeçare, e ndërtuar fuqishëm ku për themel kishte idealin për liri e zhvillim,nuk do të jetë.
Shpresa për ditë të mira
Ditë të mira në PDK do të vijën, atëherë kur do të sigurohen zgjedhje të brendshme, transparente, demokratike, votimi të bëhet një anëtar një vote. Për të siguruar këto kritere në PDK duhet të kthehen të gjithë ata që kanë shkuar, të bashkohen të gjithë ata që kanë për qëllim të mirën e vendit.
Neve na duhet një PDK, me njerëz të ditur, punëtor, njerëz që sakrifikojnë për vendin, e jo PDK me njerëz që i përgjigjen klaneve, njerëz që pozitat në parti i kanë për pazare.
Shpresoj se do të zgjohemi, do të ishte mirë SOT nesër do të jetë VONË!
https://www.facebook.com/behram.behluli/posts/257358171911588