Njoftim nga Drejtoria e Arsimit në Komunën e Podujevës

Drejtoria e Arsimit në Komunën e Podujevës njofton se nesër me 22 prill nga ora 10:00, kjo organizon aktivitete për pastrimin nga mbeturinat në gjithë territorin e Komunës së Podujevës, transmeton PodujevaPRESS.net

Ky është njoftimi:

Njoftim për Ditën e Tokës

Ju njoftojmë se për nder të “Ditës së Tokës”, më 22.04.2021(e enjte), prej orës 10:00, Drejtoria e Arsimit organizon aktivitete për pastrimin nga mbeturinat në gjithë territorin e Komunës së Podujevës.

Këtij aksioni do t’i bashkangjiten: mësimdhënësit, nxënësit e shkollave, OJQ dhe qytetarë.

Ftojmë të gjithë dashamirët e një mjedisi më të pastër dhe më të shëndetshëm të jenë pjesë e kësaj iniciative dukë kontribuar në komunitetin e tyre, gjegjësisht në koordinim me shkollën e komunitetit.

Motoja e këtij aksioni është “Bashkë për Ambient të pastër” dhe përmes kësaj moto synohet rritja e ndërgjegjësimit qytetar në  ruajtjen e ambientit dhe hapësirave të gjelbërta.