Një person lëndohet në një aksident mes dy veturave në Lluzhan të Podujevës

Dy automjete janë përfshirë në një aksident komunikacioni në fshatin Lluzhan të Podujevës, për pasojë dy persona kanë pësuar lëndime trupore.

Rastin e ka konfirmuar edhe Policia e Kosovës.

“Rreth orës 15:30 kemi pranuar informatën se në fshatin Lluzhan të Podujevës, ka ndodhë një aksident trafiku në mes të dy automjeteve. Si pasojë e aksidentit lëndime trupore ka pësuar një person. I njëjti është dërguar për trajtim mjekësor. Me rastin po merret njësiti i trafikut”, theksoi për IndeksOnline zyrtarja për informim e Policisë së Kosovës për rajonin e Prishtinës, Flora Ahmeti.