Një 48-vjeçar në Podujevë vdes pas rrokullisjes me traktor

Një 48-vjeçar në Potok të Podujevës ka humbur jetën pas një aksidenti.

Zëdhënësja e Policisë, Flora Ahmeti, ka thënë se dyshohet se një traktor derisa ishte në lëvizje në një terren malor, për shkaqe të panjohura është rrokullisur.

Viktima F.K. ka humbur vdekur pas lëndimeve të rendja trupore që i janë shkaktuar, ndërkaq vdekjen e tij e ka konstatuar ekipi mjekësor në vendin e ngjarjes.

“Trupi i pajetë i viktimës F.K mashkull 48 vjeç është dërguar për obduksion ndërkohë që policia po e heton rastin si vdekje të dyshimtë dhe po ndërmerr të gjitha veprimet e duhura hetimore për të sqaruar të gjitha rrethanat që lidhen me rastin”, ka thënë Ahmeti.