Vdes mamia llapjane Sanije Topanica, iu ndihmoi grave në lindje gjatë luftës
Nga 8 në 10 kate – rritja e dyshimtë e objektit në Podujevë
Një objekt banesor që është duke u ndërtuar në komunën e Podujevës ka ngritur dyshimet për planin e ndërtimit të tij.
Ishte planifikuar të ndërtohej vetëm 8 kate por i janë shtuar edhe dy.
Anëtari i kryesisë së Vetëvendosjes në Podujevë, Ajet Potera, ka rrëfyer për Insajderin se si fillimisht këtë objekt e kishte parë se në total do të ndërtohej tetë kate, ndërsa më pastaj u ndryshua duke u bërë 10 katëshe.
Krejt kjo ishte bërë publike nga vet kompania e cila edhe kishte publikuar planin e ndërtesës 8 katëshe.
Potera tregon se këtë skicë e kishte parë në rrethojat kur kishin filluar punimet për të treguar se si do të duket objekti që ka filluar të ndërtohet.
“Unë e kom has para një kohë një skicë për një projekt që në fillim tregonte se ndërtesa ka me qenë tetë kat komplet me kate përdhes dhe me të gjitha, ndërsa ma vonë e hoqi ato dhe e vendosi një tjetër me 10 kate në total”, ka thënë Potera për Insajderin.
Potera ka publikuar fotografinë nga skica e parë që sipas tij në total ishte tetë ndërsa më pas me iu shtuan edhe dy kate.
Ndërkohë, komuna e Podujevës në një përgjigje për Insajderin ka thënë se vendimi pë leje, për këtë objekt është dhënë me 8 maj të vitit të kaluar dhe ishte paraparë ndërtimi për 10 kate në total.
“Kompania “BENI DONA” SHPK Prishtinë e ka lejen e ndërtimit për objektin afarist banesor B+S+P+7 dhe Komuna e Podujevës asgjë nuk ka ndryshuar në lejen e lëshuar të dt.05.08.2016”, thuhet në përgjigjen e Nazmi Elezit, zyrtar për informim në Komunën e Podujevës.
Por pse kompania kishte prezantuar planin me vetëm 8 kate?
Insajderi ka provuar të kontaktoj edhe me kompaninë “Beni Dona”. Insajderit për sqarimin e kësaj çështje i është thënë se mund ta jap vetëm inxhinieri i këtij projekti Osman Krasniqi.
Krasniqi i kontaktuar nga Insajderi, nuk ka preferuar të përgjigjet për lartasin e këtij objekti, ai ka thënë se qysh prej fillimit të ndërtimit të këtij objekti është bërë propagandë e madhe.
“Prej fillimit kur kemi filluar me ndërtuar kanë bë lloj-lloj propagande, jo janë rrëzuar punëtoret jo ju shemb objekti, jo e kemi gjete një mjetë shpërthyes erdhën KFOR-i me e demantua, ka lloj-lloj propagande dhe na kanë ardhur në maje të hundës. Jem të shqetësuar ju lutem mos na pengoni”, ka thënë Krasniqi.
Aktualisht ky objekt është në ndërtim e sipër kur janë arritur deri në katet më të larta të ndërtimit./Insajderi.com
