Ndërtimi i rrugës Podujevë – Prishtinë zvarritet me vjet, Qeveria nis projekte tjera

Gjatë gjashtë mujave të fundit Ministria e Infrastrukturës ka nisur punimet në zgjerimin e rrugëve në hyrjet e qytetit të Ferizajt, Prizrenit dhe Gjilanit.

Edhe pse ende nuk kanë përfunduar së zbatuari dy projekte të mëdha, si ai i rrugës Prishtinë-Mitrovicë dhe Prishtinë-Podujevë, njofton Klan Kosova.

Madje, të nisura tash e disa vjet, punimet në këto rrugë janë ndërprerë disa herë, sikur tani.

Ministri i Infrastrukturës, Arban Abrashi, thotë se projektet e reja po nisen pa u kryer ato të vjetrat, për shkak se ato financohen nga Banka Evropiane për Rindërtim dhe Zhvillim.

Sipas tij, problemet në shpronësimin e pronave, kanë vonuar përfundimin e punimeve në planet e trashëguara nga qeverisjet e kaluara.