Vdes mamia llapjane Sanije Topanica, iu ndihmoi grave në lindje gjatë luftës
Mustafa: Buxheti do të implementohet në harmoni me shoqërinë civile
Kryeministri Isa Mustafa, i cili mori pjesë në takimin e Këshillit për Zbatimin e Strategjisë Qeveritare për Bashkëpunim me Shoqërinë Civile 2013 – 2017, theksoi rëndësinë e rolit të shoqërisë civile, i cili tha se si qeveri janë të interesuar të fuqizohet edhe më tej roli i saj.
Ai theksoi se hartimi i strategjisë me shoqërinë civile, ka rëndësi në mënyrë që të jetë më efikase dhe më koherente.Mustafa tha se edhe buxheti duhet të implementohet në harmoni me shoqërinë civile, për të pasur transparencë dhe llogaridhënie të fondeve publike, shkruan Gazeta “Express”.
Habit Hajredini nga Këshilli për Zbatimin e Strategjisë, paralajmëroi se deri në javën e parë të muajit janar do të hapet platforma online për konsultime me publikun.
Valdete Idrizi nga Civil Kos, theksoi se ka mungesë të transparencës me fondet publike. Ajo kërkoi që të gjitha OJQ-të të trajtohen njësoj nga ministritë e linjës.
Po ashtu Idrizi kërkoi të bëhet Rregullorja për Financimin e Shoqërisë Civile. Qëllimi i takimit ishte vlerësimi i progresit dhe sfidave në proces të zbatimit Strategjisë Qeveritare dhe Planit të Veprimit për bashkëpunim me shoqërinë civile. /PodujevaPress/
