Murat Hodolli për ngjarjen e 13 marsit 1999 në Podujevë: Mjekët serbë na trajtonin si skllevër

Më 13 mars 1999, në ora 13:06 dhe 13:20, dy shpërthime ndodhën në Podujevë, një afër stacionit policor në treg dhe tjetra tek posta e qytetit, njofton PodujevaPRESS.net

E njëri nga të mbijetuarit nga shpërthimi i bombës tek posta e qytetit Murat Hodolli tregon tmerret që kishte përjetuar në spitalin e Prishtinës.

Murat Hodolli është vetëm njëri nga qindra mijëra shqiptarët e Kosovës, që pësoi nga lufta special e hordhive barbare serbe në Kosovë.

Ai u plagos rëndë në krahror më 13 mars 1999, ditën kur ndodhi tragjedia e shpërthimit të bombave të vendosura nga serbët në dy vende në qytetin e Podujevës.

Ishte ditë tregu dhe sheshet e qytetit të Podujevës ishin të stërmbushura me njerëz, i kujtohet Muratit ajo ditë e kobshme. Befasisht ndodhën dy shpërthime të fuqishme në një interval prej 15 minutash.

Murati u plagos rëndë në krahëror nga shpërthimi I dytë që ndodhi afër postës së qytetit. Më kujtohet thot ai që kur rash për dhe kam parë shumë njerëz të plagosur të shtrirë në asphalt, shumë nga të cilët kishin humbur gjymtyrët. Kur erdha në vete isha i shtrirë në spitalin e Prishtinës. aty kuptova se në Podujevë kishte 8 civil shqiptarë të vdekur ndërsa 80 të tjerë të plagosur.

Pastaj mësova se snajperistët serbë kishin vrarë të riun 20 vjeçar Besnik Shabanin, I cili ishte qëlluar deri sa po ndihmonte të plagosurit për në spital.

Më operuan pa anastezion!

Serbët kishin vendosur të na vrisnin në çdo mënyrë rrëfen Murati. Kjo u pa edhe nga sjelljet e mjekëve serbë në spitalin e Prishtinës. Ata shton Murati, silleshin me ne si me skllevërit. Nga krahërori im nxorrën një pjesë të bombës, me madhësi të shkrepsës, pa kurrfar anastezioni dhe atë e bënë pas tri përpjekjesh, gjatë së cilës kohë unë gati sa nuk vdiqa nga dhembjet që më sjkaktuan ata me lojën e tyre.

Mjekët shqiptarë që kishin mbetur s’kishin kurrfarë mundësie të na ndihmonin sepse çdo përpjekje e tyre pengohej nga personeli serb I spitalit.

Gjendja u bë edhe më e rënd pas fillimin të bombardimeve të NATO-s. Mjekët dhe personeli tjetër shqiptarë më nuk erdhën në punë. Nga mungesa e kujdesit gjatë kësaj kohe vdiqën edhe disa të plagosurit tjerë nga Podujeva, përfundon rrëfimin Murat Hodolli i cili ishte detyruar të largohej nga spitali i Prishtinës edhe pse në gjendje të rënduar. (I.H.)

© PodujevaPRESS.net Të gjitha të drejtat janë të rezervuara

Bëje LIKE faqen PodujevaPRESS për tu njohur me lajmet e fundit nga Podujeva: KLIKO KËTU