Mulliri simbol në fshatin Dobratin (Foto)

Mulliri që shihni në foto gjendet në lagjen e Dervishollëve në fshatin Dobratin të komunës së Podujevës.

Mulliri funksionon vetëm nga burimet natyrore të ujit, ku sipër tij në një lartësi pothuajse sa pullazi është i ngritur vendi prej ku rrjedh uji i quajtur “jaz ose vada”, e ku më pas merr tatëpjetën përmes një gypi duke arritur fuqinë dhe kështu uji shkon direkt në “fluturat” apo harqet në formë rrethi të cilat fillojnë të rrotullohen duke e vënë gurin në funksion.

Mullinjtë të tillë në rajonin e Llapit kanë funksionuar me qindra vite, duke ua mundësuar banorëve bluarjen e drithërave të cilat më pas i përdornin për ushqim.

Siç duket banorët këtë mulli e kanë ruajtur me krenari dhe fanatizëm, për shkak të vjetërsisë dhe funksionin që kishte edhe para dhe gjatë luftës së fundit.

Faqja në facebook Gegaj-Dobratin ka postuar disa fjalë për këtë mulli:

Mulliri i lagjes së Dervishollve Gegaj.

Simbol dhe kujtesë e jetesës, qëndresës dhe saktificës së banorëve të kësaj ane.