Mogherini i bën bashkë në takim Mustafën, Veselin, Ymerin, Gjinin e Simicin (FOTO)

Zyrtarja e Lartë e BE’së, Frederica Mogherini ka arritur të zhvillojë një takim me gjithë liderët e partive politike parlamentare dhe me udhëheqësit e Shtetit. Në takim, ajo ka arritur t’i bëjë bashkë: Isa Mustafën, Kadri Veselin, Visar Ymerin, Ardian Gjinin, Jakup Krasniqin dhe Shefin e Listës Srpska, Sllavko Simic.

 Ky takim po ndodh në kuadër të përkrahjes së saj për t’i bindur opozitën dhe Listën Srpska që të votojnë demarkacionin si kusht për liberalizimin e vizave.

Mogherini në një konferencë me Kryeministrin Mustafa tha se është në duart e deputetëve të votojnë demarkacionin dhe të ndodhë liberalizimin i vizave.

Në tryezë së liderëve është ulur lideri i PDK-së Kadri Veseli, ndërsa në krahët e tij janë ulur krerët e subjekteve më vogla.

Në këtë takim Migherini u ka bërë të qartë liderëve se pa miratimin e marrëveshjes për demarkacion, nuk do të ketë liberalizim të vizave për qytetarët e Kosovës.