Rrahje mes dy familjeve në Barilevë për shkak të borxhit, arrestohen pesë
Ministri Zharku çon autostradën kah arat e veta, e zvogëlon trasenë dhe e rrezikon nga përmbytjet
Ndërtimi i rrugëve në Kosovë, ose shtrimi me asfalt, është pa diskutim investimi më i madh i vendit tash e nëntë vjet. Nuk është e diskutueshme se korrupsioni më i madh i kësaj natyre është edhe më i lehtë.
Kompanitë kontraktuale të ndërtimit nuk luftojnë për të mos e dhënë ‘tallin’, por luftojnë që atë ta japin mundësisht sa më pak, ose mundësisht jo gjithmonë paraprakisht, pra, mundësisht jo para se sa të fillojnë të punojnë në projektin e fituar.
Filozofia e prokurimit është gjithmonë një hap para institucioneve të drejtësisë që merren me mbikëqyrjen, me kontrollin, verifikimin dhe me prokurimin në përgjithësi. Por edhe organet e drejtësisë që merren me to janë po aq gllabëruese sa edhe nivelet e prokurimit.
Me një fjalë, gjykatat e prokurimit janë po aq të korruptuara se edhe vetë prokurimi. Fakte për akte të tilla jo vetëm që të ofrojnë proceset gjyqësore që nuk përfundojnë kurrë në Kosovë, por këtë filozofi mund ta mësojë një ‘institucion konfidencial’ kthinave të kafeve apo ndejave të errëta ku bëhen pazaret e tilla.
Në bazë të informacionit që posedon Indeksonline, mund të thuhet se PDK, në kohën kur u nda torta e qeverisjes, e kishte refuzuar Ministrinë e Infrastrukturës, për faktin se kësaj Ministrie i kishte dalë nami i keq. Ajo nuk e dëshironte më ketë ministri, sado e pabesueshme që mund të tingëllojë e vërteta. Kjo do të thotë se Ministria Infrastrukturës me automatizëm implikonte edhe njollosje me ‘pazarin e tallit’.
Në lidhje me këtë Indeksonline kësaj radhe ka disa të dhëna konkrete që pret të zbardhen prej ministrisë në fjalë dhe autoriteteve tjera përkatëse, e të cilën e drejton ministri, Lutfi Zharku.
Në hyrje të autostradës, autostrada në ndërtim e sipër Prishtinë-Shkup, në kundërshtim me projektin e kontraktuar, ministria në praktikë e ka ngushtuar për 10 metra. Me këtë rast edhe u drejtojmë pyetjen: përse është ngushtuar hyrja tek pompa ‘Al Petrol’?
Ministria dhe Ministri Zharku e ka rrezikuar projektin. Traseja ulet, me ç’rast rruga rrezikohet nga përmbytjet. Vetëm mund ta kujtojmë një rast të fundit të një përmbytje të tillë në rrugët e Maqedonisë dhe pasojat, jo vetëm materiale, por edhe njerëzore.
Gjithashtu, gjithnjë sipas informacioneve që ka Indeksonline, te C-3, traseja nuk ulet tash, por ajo ngritet në këtë rast. Indeksonline ka mësuar se aty pranë është gurthyesi që ndërlidhet me ministrin.
Po ashtu aty te C-2 dhe te C-3 po sigurohet kuqje sepse ministri Zharku i ka pronat e veta. Kjo ndodhë në Kosovë. Pse jo?! Logjika e hajnit do të thoshte more më rëndësi të ndërtohet. Ashtu është, por kjo ka mund të bëhet pa komponentin e së keqes