Me këtë shumë të madhe të parave rrezikojnë të dënohen ata që organizojnë gara me qenë

0

Komuna e Rahovecit ka lëshuar një urdhëresë për ndalimin e vrasjes, keqtrajtimit dhe organizimin e garave të kundërligjshme të kafshëve, transmeton Gazeta Metro.

Këtë e ka bërë të ditur vet kryetari i kësaj komune, Smajl Latifi, i cili ka thënë se është i shqetësuar me zhvillimet e fundit dhe keqtrajtimin e kafshëve, përkatësisht qenëve, në komunen e  Rahovecit.

Siç bëhet e ditur, personat që biejnë në kundërshtim me këtë urdhëresë, rrezikojnë gjobë nga 100 deri në 5000 euro.

Kujtojmë se kohëve të fundit në këtë komunë janë zhvilluar luftëra të përgjakshme, deri në ngordhje, mes qenëve.

Kundër kësaj kanë reaguar edhe përfaqësues të Organizatave për mbrojtje të kafshëve, të cilët kanë thënë se këto gara duhet të ndalohen menjëherë.

Madje, ata kanë iniciuar edhe një peticion, me më shumë se tetë mijë nënshkrime, për t’i ndaluar urgjent garatë ku po ngordhin qentë