Më 13 mars 1999 u vra nga shpërthimi i bombave në qytetin e Podujevës edhe i riu Nexhat Miftari

13 Marsi 1999 Përvjetori i dhembjeve dhe krenarisë kombëtare.

 Shkruan: Gentrit Zeqiri

Sot në përvjetorin e 23-të, të rënies se tij në altarin e lirisë, familja Miftari, mbarë farefisi , miqtë e shokët e përkujtojnë Nexhat (Avdyl) Miftarin , me dhembje, mallë por edhe me krenari dhe respekt e konsideratë të lartë, për urtësinë, modestinë, sinqeritetin, guximin dhe patriotizmin e tij dhe të familjes së tij, Nexhat Miftari, humbi jetën me 13 Mars të vitin 1999, aty rreth orës 13 në qytetin e Podujevës kur nga makineria vrastare dhe nga okupatori serb vendosen mjete shpërthyese në dy vendet më të frekuentuara publike afër tregut dhe afër postës së qytetit të Podujevës dhe nga këto detonime dhe sulme terroriste mbetën të plagosur 57 civilë shqiptar dhe të vrarë 5 civilë shqiptarë.

Në mesin e të plagosurve dhe të vrarëve kishte edhe gra dhe fëmijë dhe pleq.

Kjo vepër e ndyrë kriminale dhe makabre e kryer nga dorë e zezë vrastare sërbe, ishte e planifikuar dhe e zbatuar nga okupatori dhe shteti gjenicidal serb ndaj popullsisë së pa fajshme civile shqiptare me qëllim të zhbërjes kombëtare, spastrimit etnik përmes zhvendosjes së popullsisë civile nga trojet etnike dhe me synim për të shkaktuar frikë, pasiguri dhe pamundësi për të jetuar në trojet etnike stërgjyshore shqiptare përmes zbatimit të planit dhe politikës së tokës së djegur dhe nga ky akt makabër humbi jetën edhe i riu 24 vjeçar Nexhat ( Avdyl) Miftari nga fshati Majanc.

Nexhati rrjedh nga një familje patriotike shqiptare, e cila ne vazhdimësi ka qenë në shërbim të atdheut dhe çështjes kombëtare, Ai humbi jetën në lulën e rinisë në kohën kur familja e tij dhe shqiptarët e Kosovës përballeshin me represionin serb dhe dhunën sistematike ndaj popullsisë etnike shqiptare.

Prehu në paqe dhe të qoftë i lehtë dheu i Kosovës për te cilin u martirizuat për të mos vdekur kurrë.

E kujtojmë me respekt dhe mallë të pa shuar familja Miftari nga Fshati Majanc.