‘U shku me vra Ganinë’, dëshmitari rrëfen se çfarë dëgjoi në mal
Mbi 6 milionë euro të planifikuara për zgjedhjet lokale
Zgjedhjet lokale po afrohen. Mirëpo ende nuk dihet se sa do të jetë kostoja e shpenzimeve të Komisionit Qendror të Zgjedhjeve.
Shuma që i është ndarë Komisionit Qendror të Zgjedhjeve për këtë vit në tersi është 6 milionë e 200 mijë euro, por nuk dihet shuma që do të shpenzohet për zgjedhje.
Kështu mësohet nga përgjigjet që Indeksonline ka marrë nga zyra për informim e KQZ-së.
“Kuvendi i Republikës së Kosovës ka miratuar kohë më parë Ligjin për Buxhet dhe aty është bërë ndarja e buxhetit për Zgjedhjet Lokale, pasi viti 2017 është vit zgjedhor. Janë më shumë se 6 milion e 200 mijë euro të planifikuara për këtë proces. Por, se sa do të kushtojnë këto zgjedhje ne do të mund ta dijmë vetëm pas përfundimit të të gjithë procesit zgjedhor. Këto janë Zgjedhje Lokale dhe në bazë të përvojës edhe në të kaluarën jo të gjitha komunat kanë përmbyllur procesin zgjedhor në raundin e parë”, shpjegon Valmir Elezi, Zëdhënës për informim në KQZ.
Në zgjedhjet e kaluara lokale prej 38 komunave në të cilat janë mbajtur zgjedhjet lokale, në 25 ka pas raund të dytë. Ndërsa në zgjedhjet e jashtëzakonshme të mbajtura në Drenas, ky vend ka shkuara për hërë të parë në balotazh. Pra nga praktika nuk mund të këtë një parashikim të saktë se sa do të jetë kostoja e zgjedhjeve.
Elezi tregon se shuma më e madhe shpenzohet te trupat zgjedhore në Komisionet Komunale të Zgjedhjeve, Këshillat e Vendvotimeve dhe stafin.
“Në shpenzimet për Zgjedhje përfshihen aspekte të shumta dhe të domosdoshme për organizimin e procesit zgjedhor, duke filluar nga materiali zgjedhor e deri tek angazhimi i mijëra personave në këtë proces.
Pjesa më e madhe e mjeteve shpenzohet për Trupat Zgjedhore (Komisionet Komunale të Zgjedhjeve, Këshillat e Vendvotimeve dhe stafin tjetër)”, thuhet më tej në përgjigjen e Elezit. /Indeksonline/