Mbi 1 kilogram marihuanë gjenden të fshehura në veturën e 52 vjeçarit në Podujevë

1 kilogram e 45 gram substancë narkotike të llojit marihuanë janë gjetur nën ulësen e prapme të një veture, në fshatin Lluzhan të Podujevës.

Automjeti me targa vendore drejtohej nga i dyshuari me inicialet Q.H., (viti i lindjes 1970, mashkull kosovar), kurse në veturë ndodheshin edhe S.B., (viti i lindjes 1972, mashkull kosovar) dhe M.Ç., (viti i lindjes 1980, mashkull kosovar).

Policia ka kontrolluar shtëpinë dhe objektet përcjellëse të dyshuarit Q.H., në fshatin Obrançë të Podujevës, por nuk është gjetur asgjë e kundërligjshme.

“Tek të dyshuarit në cilësi të provës material janë gjetur dhe sekuestruar: 1145 (njëmijë e njëqind e katër dhjetë e pesë) gram substancë, dyshohet të jetë marihuanë, 3 (tre) telefona celular dhe një veturë”, thuhet në komunikatën e policisë, transmeton Klankosova.tv.

Tre të dyshuarit janë dërguar në mbajtje deri në 48 orë.

 

Artikulli paraprakShpejtim Bulliqi e kishte paditur Valon Sylën për shpifje, por sot gjykata vendosi kështu
Artikulli tjetërA do të vendoset për liberalizimin e vizave më 23 qershor?