Marko Gjuriqi kërkon postin e Kryetarit të Kuvendit për serbët e Kosovës!

Vjen edhe propozimi i ri nga Serbia.

Drejtori i Zyrës për Kosovën në Qeverinë e Serbisë, Marko Gjuriq, ka thënë se nuk ka asnjë arsye që një serb të mos emërohet në njërën nga tri funksionet kryesore të Kosovës.

Në një intervistë për RTS, Transmetuesin Publik të Serbisë, Marko Gjuriq tha sot se roli i serbëve në formimin e qeverisë së Kosovës nuk duhet të jetë “vetëm sa për dekoracion”.

Në këtë kontekst, Gjuriqi ka marrë shembull zgjedhjen e Talat Xhaferit si kryeparlamentar të Maqedonisë, derisa ka thënë se edhe një serb mund të marrë një nga tri postet kryesore të shtetit të Kosovës.

“Nëse Presidenti i Parlamentit të Maqedonisë mund të jetë përfaqësues i komuniteteve pakicë, nuk ka asnjë arsye që një nga tre funksionet kryesore në krahinën tonë jugore, të mos jetë serb”, tha Gjuriq, raporton Gazeta Blic. Ajo që Gjuriqi me këtë rast heshte ishte numri i shqiptarëve në Maqedoni dhe ai i serbëve në Kosovë. Ky nuk është propozimi i parë i Beogradit që serbët e Kosovës të marrin post drejtues në Kosovë.

Duke folur për takimin e Vuçiqit dhe Hashim Thaçit nesër në Bruksel, Gjuriqi tha që nga ky takim pret çtensionim të situatës por edhe limite të qarta kohore që Prishtina të fillojë të jetësojë marrëveshjet e arritura në Bruksel duke aluduar kështu në themelimin e Asociacionit. /Gazeta Blic/