Aksidentohet kamioni në Penuhë të Podujevës, ngarkesa përfundon në rrugë
Lutfi Rexhepi: Në Podujevë për vite të tëra është legalizuar plaçkitja e qytetarëve nga qeverisja aktuale
Asambleisti nga radhët e Partisë Demokratike të Kosovës në Podujevë, Lutfi Rexhepi ka reaguar për mënyrën se si deri tash janë plaçkitur qytetarët Podujevës nga sistemi aktual qeverisës i LDK-së, njofton PodujevaPRESS.
Rexhepi më tej ka thënë se komuna e Podujevës ka disa vite qe aplikon Rregulloren për taksa, tarifa dhe gjoba komunale e cila në pjesë të madhe është antiligjore dhe direkt i godet qytetarët e Podujevës.
Ndër të tjera ai ka theksuar se komuna nuk e bënë bartjen e pronave, por kjo gjë bëhet te noteri, kurse aktualisht qytetaret paguajnë dy herë, në noteri dhe në Komunë, edhe pse Komuna me Udhëzimin administrativ Nr. 08/2014 te MMPH ka të drejtën të kërkoj taksë vetëm për regjistrimin e pronës, në bazë të vlerës së pronës.
Po ashtu z. Rexhepi shpreh habinë se si përbërja e kaluar nga radhët e opozitës e ka legalizuar këtë rregullore me pjesëmarrjen e tyre ne seancë për aprovimin e saj, ndërsa poltikat aktuale të LDK-së i quan demotivuese për jetën e qytetarëve /PodujevaPRESS/
Bëje LIKE faqen PodujevaPRESS për tu njohur me lajmet e fundit nga Podujeva: KLIKO KËTU
Në vazhdim lexoni reagimin e tij të plotë:
“Komuna e Podujevës ka disa vite qe aplikon Rregulloren për taksa, tarifa dhe gjoba komunale e cila në pjesë të madhe është antiligjore dhe direkt i godet qytetarët e Podujevës. Përbërja e kaluar e Kuvendit Komunal, me kërkesë të Ekzekutivit, duke e aprovuar këtë Rregullore e ka legalizuar plaçkitjen e qytetarëve, veçanërisht te përkthimi i pronave të paluajtshme (neni 24.1) ku kërkohet të paguhet 150,00 € për çdo transaksion të pronës prej një m2 deri në një hektar pavarësisht zonës, klasës apo vlerës së saj. E njëjta shumë kërkohet edhe për transaksion të pronës të një apartamenti deri ne 100 m2, të një lokali afarist deri në 100 m2, të një shtëpie deri në 100 m2 me oborr deri në 0.005 ha apo edhe të një garazhi dhe një bodrumi.
Me ligjet e aplikueshme në Kosovë, Komuna nuk bënë transaksion të pronave, por kjo gjë bëhet te noteri, kurse aktualisht qytetaret paguajnë dy herë, në noteri dhe në Komunë, edhe pse Komuna me Udhëzimin administrativ Nr. 08/2014 te MMPH ka të drejtën të kërkoj taksë vetëm për regjistrimin e pronës, në bazë të vlerës së pronës dhe me Udhëzimin administrativ Nr. 05/2012 të kërkoj taksë për shërbime gjeodete, nëse kërkohet matja e pronës-parcelës.
Me këto politika demotivuese, nuk është për t’u çudit pse gjendja e pronave është kaotike. Është për keqardhje mos reagimi i opozitës për këtë legalizim të plaçkitjes, gjegjësisht pjesëmarrja e saj në aprovimin e kësaj Rregulloreje”.
