Lul Raka përgënjeshtron qeverinë Hoti

Mikrobiologu Lul Raka, ka reaguar pas lirimit të masave antiCOVID nga qeveria Hoti.

Raka përmes një statusi në llogarinë e tij në facebook ka thënë se qeveria në detyrë nuk është konsultuar me bordin këshillëdhënës, e madje sipas tij këtëe kuptoj përmes mediave.

Ai ka thënë se është kundër lirimit të masave në këtë kohë duke thënë se mundësohet përhapja e infeksionit në komunitet.

“Sot, në media e pashë një shkresë zyrtare të qeverisë, në të cilën kërkohet lirimi i masave kufizuese ‘në bazë të rekomandimeve të IKSHPK dhe Bordit Këshillëdhënës’. E shoh të arsyeshme të jap një sqarim se as unë, si kryesues i Bordit dhe asnjë anëtar i Bordit nuk është konsultuar për një propozim të tillë. Në kohën e shkeljes masive të masave parandaluese gjatë fushatës zgjedhore e parazgjedhore nga tërë spektri politik; shtirjes së variantit britanik të virusit, i cili është prezent në Kosovë që nga fundi i dhjetorit , çdo ’lehtësim politik i masave’ mundëson përhapjen e infeksionit në komunitet duke kërcënuar shëndetin publik e individual në Kosovë. Prandaj, unë jam kundër lirimit të masave në këtë kohë”, tha ai.