“Llugë” në autobusët me udhëtarë në linjën Podujevë-Prishtinë |FOTO

Autobusët e e linjës Podujevë-Prishtinë sot ishin të stërmbushur, pasi që udhëtarët nuk kishin vende ku të ulen, njofton PodujevaPRESS.net

Sipas pamjeve të publikuara sot nga një qytetar shihet se brenda autobusit nuk respektohen masat antiCOVID.

Shumë prej tyre sipas udhëtarëve janë detyruar që të qëndrojnë në këmbë deri në Prishtinë apo anasjelltas.

Edhe pse kompanit e autobusëve nuk kanë të drejtë të marrin më shumë udhëtarë, se sa numri i ulseve, ata nuk po e respektojnë këtë gjë.

Një lexues i PodujevaPRESS, ka publikuar nje foto, ku shihen se aty ndodhen mbi 60 udhëtarë.

Kujtojmë se sot policia dhe inspekcioni kanë gjobitur taksit ilegal, të cilët bartin udhëtar në linjën Podujevë-Prishtinë, për shkak se kompanit e autobusëve janë duke protestuar pikërisht për shkak të këtyre taksistëve.

Mirëpo duhet kujtuar faktin se jemi në kohë pandemie dhe vetëm sot në Podujevë kanë dal 25 persona pozitiv me Covid-19.

Edhe pse numri i të infektuarve me COVID-19 në Kosovë po rritet çdo ditë, ende po vazhdon mosrespektimi i masave të Qeverisë për parandalimin e përhapjes së këtij virusi.

Në vendimin e Qeverisë thuhet se të gjitha subjektet që ofrojnë transport publik (autobusë, kombi, taksi) të punojnë me përgjysmim të kapaciteteve të tyre sa i përket numrit të udhëtarëve që bartin për të lejuar hapësirën e nevojshme për çdo udhëtar.

Andaj shpresojmë se policia dhe inspekcioni të jenë në monitorim të gjendjes edhe në autobusë, e të ruhet shëndeti i popullatës.