Llapjani 28-vjeçar i arrestuar nga Policia përfitojë 41,100 euro duke mashtruar për viza pune

Gazeta Sinjali raportoi pak më parë se një person është arrestuar nga Policia e Kosovës në rrugën “Gryka e Llapit” në Podujevë, pasi që i njëjti dyshohet se nga muaji dhjetor e deri në muajin maj të këtij viti, i kishte mashtruar 12 persona duke iu marrë shuma të ndryshme të parave.

Sinjali mëson se personi në fjalë është A. B., 28-vjeçar, ndërkaq 12 viktimat (emra të njohur për redaksinë), të cilët kanë paguar dhjetëra mijëra euro janë: F.M., V.H., F.M., G.H., A.Z., V.J., A.J., A.H., D.A., E.Z., Xh.G. dhe R.K..

Burimet e Gazetës Sinjali thonë se i dyshuari iu kishte premtuar 12 personave që do t’iu caktojë-rezervoj termine për viza pune në Ambasadën e Gjermanisë në Kosovë.

Shuma e përgjithshme që A. B. dyshohet të ketë përfituar duke i mashtruar ankuesit është rreth 41,100 euro.

I dyshuari është intervistuar në prezencën e avokatit mbrojtës të angazhuar sipas detyrës zyrtare dhe pas përfundimit të procedurave policore i njëjti është ndaluar për 48 orë.

Artikulli paraprakPolicia arreston një person në Podujevë që mashtroi për viza pune
Artikulli tjetërNë këtë orë falet të shtunën namazi i Kurban Bajramit