Llapi kalon në gjysmëfinale, eliminon Gjilanin

Fituesi në fuqi i Kupës së Kosovës, Llapi është kualifikuar në gjysmëfinale të Kupës së Kosovës në futboll.

Skuadra e Llapit, të mërkurën në stadiumin “Zahir Pajaziti” në Podujevë, e ka mposhtur Gjilanin me rezultatin 2:0.

Dy golat, Llapi i ka shënuar në fund të ndeshjes. Fillimisht, në minutën e 85-të, Llapin e kaloi në epërsi Drilon Fazliu ndërsa në minutën e parë të kohës shtesë, vendasit shënuan edhe golin e dytë me brazilianin Alef Firmino për të konfirmuar fitoren dhe kalimin në gjysmëfinale të kësaj gare.