Llapi e shkatërron Lirinë

Ndeshja më e mirë çerekfinale të Digitalb Kupës së Kosovës në futboll u zhvillua në stadiumin “Zahir Pajaziti” në Podujevë ku Llapi vetëm pas vazhdimeve eliminoi Lirinë me rezultat 4:3, atëherë kur mysafirët ishin me një futbollist më pak kur përjashtohet Rron Gashi.
Ishte ndeshje e çuditshme pasi gjysmëore lojë kaloi pa asnjë rast apo emocion, dhe të shënohen në vazhdim shtatë gola, pak ka mundur ta pret dikush.

Festim Krasniqi i Llapit e hap serinë e golave nga penalltia për ta dyfishuar epërsinë Berat Hyseni.
Mirëpo, pas një goli shumë të bukur nga gjuajtja e lirë Blendi Memaj e ktheu në lojë Lirinë, që e barazoi rezultatin përmes nigerianit Henry Chibueze.
Ky gol sikur i ngriti në këmbë edhe më shumë mysafirët të cilët kaluan në epërsi për herë të parë kur Henry Chibueze këtë herë asistoi për Egzon Sinanin që gëzoi pa masë bashkëlojtarët e tij dhe shtabin teknik.

Por, Llapi e barazoi rezultatin përmes Fuat Karabaeg pas një tollivie në zonë, go li cili e dërgoi ndeshjen në vazhdime atje ku llapjanët arritën të shënojnë edhe golin e fitores përmes Berat Hysenit që sërish e shfrytëzoi një tollovi brenda zonës së Lirisë dhe intervenimit aspak të mirë të portierit mysafirë.

Kështu, pas një spektakli që dhuruan këta skuadra në këtë duel, Llapi ia doli të kualifikohet në gjysmëfinale të kësaj gare, dhe kundërshtarin para finales së madhe për ta do të kuptojnë të premtën paradite kur edhe do të hedhet shorti në zyret e FFK-së.

Bëje LIKE faqen PodujevaPRESS për tu njohur me lajmet e fundit nga Podujeva: KLIKO KËTU