Lirak Çelaj shpërthen në akuza: Kryesia e PDK-së është e paligjshme, u emëruan duke premtuar favore

Lirak Çelaj, anëtar i Partisë Demokratike të Kosovës, ka komentuar vendimin për rinumërimin e votave brenda AAK-së nga ana e PZAP. Por ai ka thënë se manipulimi brenda partisë ndodh në secilën parti, shkruan Reporteri.net.

‘’Më vjen keq që hetimi po ndodh vetëm për votat e AAK. Në të gjitha subjektet pa përjashtim, përfshirë LVV, PDK e LDK, ndodh manipulimi i votës së brendshme’’, shkruan Reporteri.net.

Madje Çelaj ka thënë se edhe në zgjedhjet brenda partisë manipulohen duke thënë se shfrytëzohen edhe mjetet financiare.

‘’Me ndikim të autoritetit ta zgjedhin kryetarin e nëndegës, kryesi të degës e kështu me radhë. Kryesia e PDK-së është e paligjshme sepse është e emëruar. Ta punësojmë këtë njëri apo i janë ofruar mjete financiare për zgjedhjet e brendshme partiake. Është prish zinxhiri bazë demokratik në subjektet politike’’, ka thënë në Frontal Çelaj, përcjellë Reporteri.net.

“Vota e brendshme blihet në PDK. Në një garë të brendshme ka pasur blerje të votave. Një person që e ka bërë këtë në garën e brendshme, pse nuk do ta bëjë edhe në garën e jashtme. Unë mendoj që në të gjitha subjektet ndodh manipulimi i votës së brendshme”, ka thënë ai.