Lewandowski kritikon Guardiolan

Robert Lewandowski fajëson metodat e stërvitjeve të Guardiolas.

Në kohën kur spanjolli drejtonte Bayern Munichun, futbollistët përballeshin me lëndime të shumta,transmeton Telegrafi.

Sipas Robert Lewandowskit, fajin për këtë e kanë metodat e stërvitjeve që Pep përdorte të cilat ndikonin në lëndimet e shumta.

Bayerni aktualisht është në Doha të Katarit duke bërë përgatitjet për fillimin e sezonit pranveror dhe sulmuesi polak është shprehur i kënaqur me punën që po bën trajneri i ri Carlo Ancelotti.

“Me këtë kamp ne do të gjejmë formën e duhur fizike. Do të jemi si taktikisht ashtu edhe fizikisht më mirë”.

“Në dy vitet e fundit kemi pasur probleme të shumta në përfundim të stinorit, na mungonte kondicioni dhe lëndimet ishin të panumërta”, ka thënë Lewa.

Ai gjithashtu ka shtuar se Bayerni do të luajë ndryshe në pjesën e mbetur të sezonit, pasi që në muajt e parë ka pasur kritika për paraqitje të dobëta të bavarezëve./PodujevaPRESS/

Artikulli paraprakKondogbia largohet, vjen Gustavo?
Artikulli tjetërGriezmann transferohet në Angli për 100 milionë funte